Popular Bible Verses from Yohana 21

Share

Waza kukondya kulya, Yesu yakamutya Simoni Petelo, “Ati Simoni go mwana wa Yohana, alu wunyendile ane muno muno wuwacizize wawa?” Nayo yakamutya, “Heya Muwaha, agwe wumanyile vyono ane nghwendile.” Yesu yakamutya, “Ale wudime vikolo vyangu.” Lwe kejete kanyhi yakamutya, “Simoni go mwana wa Yohana, wule, wunyendile ane muno muno?” Nayo Petelo yakatya, “Heya Muwaha, wumanyile vyono ane nghwendile.” Yesu yakamutya, “Ale wudime zingholo zangu.” Lwe kadatu kanyhi yakamutya, “Ati Simoni go mwana wa Yohana, wunyendile ane 'mbi?” Nayo Petelo yakakalala vyono Yesu yamuwuzize kadatu yakutya, “Wunyendile?” Yakamutya, “Muwaha, agwe wumanyile zose, wumanyile vyono ane nghwendile.” Yesu yakamutya, “Ale wudime zingholo zangu.”

Nghukulonjela mbeka, vyono “Lono wali wukali mudodo, wali wuzoweye kwiwopa musipi no kubita ko kose kono wasakaga. Ninga kolo weza kukombipa, kologolola mawoko gako, na yunji kolokuwopa, yakutegule kono si wendile.”

Yesu yakawatya, “Ale, mulutajilaje lwavu ku lubavu lo kulume lwe ngalawa, nanye mozituga zisomba.” Nawo wakalutajila lwavu, hamba si wasuma kanyhi kulukwega, so winji we zisomba.

Simoni Petelo yakawa kuwatya i wayagwe, “Nye wayangu, ane nahelela ta, ku wunimula zisomba.” Nawo wakamutya, “Nase cobitana nagwe.” Hodu, wakawa kubita, wakenjila mu ngalawa, ninga hamba siwasuma kwibata cinji mu cilo cico.