Popular Bible Verses from Matayo 12

Share

“Holeka ane nghumulonjelenyi, nghutya, Mwizuwa lyo wulingʼanizwe i wanhu si wololeka kupitula muli ze zinghani zose zono si zinojeye zono wakuzilonga. Holeka mu wulawilila mu zinghani zako lunji kovumilwa vyono wuli muswanu, hamba lunji kolingʼanizwa nha wuli muhodanji.”

Nye mo lulelo lwe zinzoka! Alu mosuma nhawule kuzilonga i ziswanu, na kumbe nyenye mo weneco muli wabi?” Ku soko u munhu nha kalongaga zono zimumemile mu nhumbula yakwe.

U munhu muswanu nha kalavyaga i zinghani ziswanu mu ciwutwa cakwe ciswanu, no munhu mubi nayo, nha kalavyaga izinghani zimbi mu ciwutwa cakwe i cibi.

Holeka nghumulonjelenyi, nghutya nhavi, i wanhu wosuma kunenelwa u wubi wawo, hamonga no wutovule wawo wose, ninga si wosuma kunenelwa hamba hadodo u wubi wo kumutovulo u Muhe Mono Yelile.

“U mubici hono wuwe muswanu, ale sunga ne mikalo yayo nayo yowa miswanu, na hono wuwe mubi, ne mikalo yayo yowa mibi. No mubici nawo wumanyicilaga mu mikalo gayo.