Popular Bible Verses from Yohana 15

Share

“Ane yo nene muzabibu, anye muli manhambi. Mono kekalaga muli nene, nane niwe muli mwene, yuyo yo kalelaga muno mikalo, hambi hono hasina nene, anye nha si mosuma kwituma cinji.

Mwikalaje muli nene, nane nikale muli nyenye. Nhe linhambi vyono si lyosuma kulela mikalo lili wene, hono lilece kwikala mu muzabibu, na nyenye si mosuma kulela mikalo, hono mulece kwikala muli nene.

Hono mwikale muli nene ne zinghani zangu hono zikale muli nyenye, ale mulombe co cose cono mukusaka, nanye mopegwa.

Anye si mwanyihaga ane, langa ane yo namwihajenyi nyenye, kanyhi nghawa kumuwagulenyi ho mubite mukalele mikalo, i mikalo yono yikalaga, nayo Baba ho yasume kumupelenyi co cose cono mukumulomba mwitagwa lyangu.

Hasina wendo wuwaha wono wucizize u wendo wo munhu, mono yakulavya u wumi wakwe, kusoko ye wendece wakwe.

Mwene kaliwusaga muliʼne ilinhambi lyo lyose lyono si lilelaga mikalo, ne linhambi lyono lilelaga, kalidumulilaga ho licile kulela muno.

Ali lye lajilizo lyangu, mwiyendaje, nha vyono ane nimwendilenyi anye.

Nayo Baba kakumyagwa, hono mulele muno mikalo minji, nanye mowa wejizwa wangu.

“Ane yo nene muzabibu we mbeka, na Baba yo mulimi.

Munhu wo wose hono yalece kwikala muli nene, yakutagwa kunze kotya inhambi vyono walitagaga, nalyo liwa kunyala. Nawo wanhu wakuwa kulikongholeza, wakulitajila mu moto, nalyo liwa kutakamila.

Nimulonjelenyi zizi, ho nyemo yangu yiwe muli nyenye, ne nyemo yenyu ho yikwilanicile.

Hono mwibate malajilizo gangu, mokwikala mu wendo wangu, nha vyono nane nibate malajilizo ga Baba, nikaye mu wendo wakwe.

Ne lilajilizo lyangu, lyoli, mwiyendaje.

Mhali muwe muli wanhu we yinze, mhali we yinze wali wamwendenyi anye mo wanhu wawo. Ninga alu vyono si muli we yinze, nane nimwihajenyi kulawa mu yinze, holeka we yinze wakumusulenyi.