Popular Bible Verses from Metumo ge Watumwa 5

Share

Ninga Petelo lono yali hamonga ne watumwa wayagwe, yakapitula, yakatya, “Cinojele cimuhulice Mulungu, si nhe wanhu.

Nawo wakajendelela nhondo zose kwijiza no kuganula Luganuzi Luswanu lwa Yesu, mu Nyumba yo Mulungu na mu zikaya ze wanhu vyono mwene yo Kilisito.

Ninga Petelo yakamuwuza yakutya, “Ati, Ananiya, alo so cici Setani yakumemizye nhumbula yako, ho umukoce u Muhe Mono Yelile, ho ukacepule nusu ye zipesa zono wawuguza mugunda? Lono wali wukali sinawuguza, wali wako, na lono wali wakondya kuwuguza, izipesa zizo zali zako, ho uzitumamile nha vyono wendile. Alu so cici kulamula nghani yiyi mu nhumbula yako no kwituma nghani yiyi? Ninga wumanye vyono si wumukonjlie munhu, langa kumukonga Mulungu!” Nayo Ananiya yaza hulika zinghani zizi, yakagwa hasi no kufwa baho baho. No woga wuwaha muno muno wukawebata wose wono wazihulika zizi.

Ale, holeka nane nghumutyenyi nhavi, mwilegaje kuli wanhu wawa, muwalekaje ye! Hambi inghani yiyi hamba mulimo wuwu, hono wuwe wa wanhu, wohodanjika du weneco. Ninga hono wuwe wo Mulungu, si mosuma kuwemila ye, yilece kuwa na lunji muwe nha mukwihoma no Mulungu.” Wakawa kwilumbaniza nayo.