Popular Bible Verses from Malika 10

Share

Ndivwene na ju mwâna va munu asadzile mukulimilwa kuvangi, hamu, adzile mukulimila avangi, adzile mukugutavula umutima gwakwe, guvedzage lifungu lya volofu.

Neke baho Jesu avalolesage avańigendwa vakwe neke atigilage: avanu avo lwilema neke Nguluvi lusikumulema hamu; ndivwene Nguluvi kisimu-lemile kinu.

Neke umwene Jesu atigilage: uhelelage, lukunanidze ulufuvo lwako. Neke baho adindukage nakalingi hela neke baho amuninilage napaṅasi.

Neke lino kye ahudike Nguluvi, kili mwîko ukukihudula umunu.

Neke baho Jesu neke amulolage neke amwe-ndage neke atigilage: pokali kamwinga akakusumile uveve. Lino uhelelage, ukagule ikyûma kyako kyonda, uvagavahidzage avahangala, apo swe vwiva vwivikye ikyûma kya kukyâńa, apo pe ukadze, uninile unene.

Neke baho Jesu amuvudzage atigilage: ukatigye ngitage ndavuli naveve? Neke umwene umubofu neke atigilage: ndika ndilolage amîho gangu, ve mulugu vangu.

Neke lino uńeńe mutane ukuva nalo ululi nde ulu, hamu, uńeńe ngana mujińo itigila mbedzage nde mukomi june kwe ńe vajangu, apo ujo pavagye ukuta adzukage muńa-kuvalimil’avangi.

Ndakyene ndikuvavula nditigila: je asikuvwa-nukila uvutwa vwa Nguluvi ngita mwâna, ujo asilingila nambi ponu.

Volofu na valongodzi valavedza va mumbele, volofu na va mumbele valavedza ve valongodzi.

Neke apene pavwamulilo pala, pe agavaga fyonda Nguluvi, avagavile numukigosi numukidala. Kye alesile umunu ala-leka nudadye nuṅina. Neke baho ve vavīli ava vihambuka ńama ja muvili jimwinga hela. Apo swe valulekile nulwa kuya vavili, hamu vahambwike ńama ja muvili jimwinga.