Popular Bible Verses from MATYE 13

Share

Ba pí ma to trakmara na de, piì bi ba ŋa nì wí na kayoro nuru de kmaʔa mà na ti cɛnni mà na pibi seri, too kɔgunnu, too tanri, pà fonɛrɛ mà kɛ kɛ̂ kɛ̂.»

Ba pí ma to wa huru deʔe na ge, kiì gi ga ŋa ma wí na kayoro nuru de. Di ki drunya ŋa wi kaʔa honriʔi ní, ní masaʔa fanlaʔa ní à pi pan mà bâ kayoro tón de, à ti ko tonro fun.

Hɛn o hɛn ŋa wí na masaʔa kayoro nuru de, di nà wi ìn ti kɔ̀rɔ́ cɛn we, wiì ŋa nòo ti loʔo, Hɛnpee wi na pan kpo mà bâ ti fara, da pé ma tòn wa wi dihon na we. Pii bi pí ma to wa kloʔò na ge.

Ba pí ma to wa andaʔa na ge, kiì gi ga ŋa wí ma Nyɛʔɛlɛ kayoro loʔo de mâ pa tí na kpo lafiʔimi nì ge. Di ti ìn niri ta wa wi lama ni me. À ti ko wa wi nî mà nyiŋi cɛnri ta kpo. Lama mi wleleme nì, ní cɔlɔʔɔ ní pi gâ ban Nyɛʔɛlɛ kayoro kɔsɔ na, ki woʔo à kuu kân, wɔ̀ɔ hru kruʔu ma kpo.

Nyɛʔɛlɛ masaʔa kí nyɛ nɛ pa krɔʔɔ nyɛ, ga pé ma hra wa kere ni de. À naŋa wà ma yáʔà nya màʔa hra mà kɛri mà yâ wi yrɛbɛ pì bɛfu pɛrɛ mà kɛri mà yâ ki kere syɔ de.

À pà yâ do trakmara deʔe na. À pì bâ sɛ. À pà ma sɛ too kɔgunnu kɔgunnu, À pà ma sɛ too tandanri. À pà ma sɛ fonɛrɛ mà kɛ kɛ̂ kɛ̂.

Ye pì syɛnmu yaʔa pi da lɛʔɛ fɔ akaba konnyiŋi ki ba no. Akaba konnyiŋi nàʔa gá ba no ge, pa miʔi yo pi konfɛɛ kan be bì yo: Ye nyapeʔe kpoʔolo ge kpɛn, yeʔe pwɔ pwɔʔɔlɔ pwɔʔɔlɔ, jango ye baʔa hògó. Ye nà da ye akaba kon, ye ba pi le wa na bolo ni le.› »