Popular Bible Verses from LUKE 8

Share

Ba pí to tra kmara deʔe na ge, kí nyɛ bee bɛ pé ma kayoro loʔo de mà ti co lafiʔimi nì, ní dihonkmaa ní, na pibi seri lagunmu ní.

Ba pi dá do huru deʔe na ge, pé nyɛ hɛɛn bee bɛ pé ma kayoro loʔo de. Pe dáa sye yɛʔɛ̀ ma ge, ki drunya ŋa wi honriri nì, ní wi masaʔa nì, ní wi yrɛbɛ pi tɔ pi laa como nì me pí ma pe yrigí mà kan ki akaba pibi wosɛbɛ poò na lɛʔɛ.

Andaʔa deʔe wobo be, pé nyɛ hɛɛn bee bɛ pé ma kayoro loʔo de mà ti co lafiʔimi nì. Ɛɛn di, ti ìn niri ta wa pe nî, mà kan pé ma nyiŋi cɛnri kɔ wa pama kloʔó ni ge mà na hru kruʔu ma, kagbanla nyiŋi na ge.

Wɔ̀ɔ pé po: «Yè pama mí nyɛ hanbe si?» Di à pe na fyaʔa na kafonlo waʔa na naʔa nyu pè ma mà yo: «Han wi banmɛ ge, wɔ́ɔ na nyu tiflɛʔɛ nì, nyugbɔmo nì, á pi noo kpɔʔɔ ge?»

Ba pi dá do kloʔò na ge, pí nyɛ hɛɛn bee bɛ pé ma kayoro loʔo de. Ki kruʔu ma, Sotanri wɔ̀ɔ pan mà bâ ti fara wa pe lama ni me, jango pò ga ba bì syɔ.

Mɛjɛn yraʔa kì bɛfu ga kí nyɛ hraʔa ge, paʔa bá nyini finmi na. Ee, yraʔa kì bɛfu ga kí nyɛ tonʔò ge, pa peʔe cɛn bìʔi yrígi finmi na.

Cɛlɛ pɔɔ gáʔà cɛn mâ yo wòo gban bí hra ge, wɔ̀ɔ na hiʔiri fyara na de mà na sye Jesu krugu we mà yâ kunbiʔi kán wì tanla. Hɛɛn pe yɛʔɛ̀ na ge, wɔ̀ɔ kì bɛfu tanli wí ma ga ki dɔɔ́ kan wɔ́ɔ maʔá wí na ge ní ga nì wí ma pwɔʔɔ ki nyidege na ge. Jesu wɔ̀ɔ wí po: «Na pyɔ, ma pama mí ma ma pwɔʔɔ. Ta sye nyimi na.»

À pe yâ Jesu nyɛ́ we mòo po: «Kundiʔi, Kundiʔi, wó bi gu.» Wɔ̀ɔ nyɛ́ mà yo tiflɛʔɛ nì ge, ní nyumu ma nì mi dáa jrɛʔɛ ge mà yo pi yèré. À pi yere. Deʔe àʔa ko pyeriʔi gbundun.