Popular Bible Verses from HLIMI 49

Share

Kundiʔiri kanganla li ìn bi gà jɛ be Juda tanla we. Yɛklumu jɛnlɛ li ìn bi gà fara wa wi ceʔe ni ge fɔ bì ba no ki fɔlɔ cɛnŋɛ wi ga ban. Klòʔo kè bɛfu ke dɔɔ kpɔʔɔ ge.

Josɛfu wí nyɛ nɛ pa tiʔi nyɛ ga kí na pikmaba seri ge mà po pé ma ki tikmaʔa tyɛnmu lɔʔɔ tanla. Ki kaclara à ti klon mà toro gunŋu na ge. Andara ŋufɛɛ bee wi bɛnfɛɛ be pe dáa wi no ca. À poo ŋu pe ŋara nì de.

Di wɔ̀ɔ wi anda hanri màʔa co kmaʔa. Wi kyɛrɛ̀ à ti ko sinri su Jakɔbe wi Syefɔlɔ wi fanŋa ni ge. Wɔ̀ɔ krɛʔɛ Mbara Naʔafɔlɔ mà po nɛ pa Ŋglɛnʔɛ ga nyɛ Israyɛli hɛɛn pé na kpoʔolo ná jrɛʔɛ ge. Ma to wi Nyɛʔɛlɛ liì li lí bi ma haʔa ge. Sye wì bɛfu fɔlɔ wí bi ma haʔa. Ki haʔama mí na jrɛʔɛ wa namuru ni de mà na jrɛʔɛ wa tra noʔo na mà nì mà na jrɛʔɛ wa ma no wi nyirimi ni me.

Juda, mo wi ma lɛɛ ní ma cɛɛn ní pé bi baa gbɔʔɔ ge. Ma kyɛʔɛ kí bi baa ma bɛnfɛɛ cun be wa pe yuru ti krɔrɔ na de. Ma to wi pii pè bɛfu pé bi baa kunbiʔi kanni ma yɛʔɛ̀ ma. Juda wí nyɛ jari ŋa wí ma jɛ fonŋo ge. Ŋa wí ma jɛ wi akaʔa yugu na mâ na sye wi syɛnhaʔa na ge. Jari nòo wi kɔgunru kàn bì syɛn ge, pa han bi gban bùu ciʔili bùu jrɛʔɛ.

Hrubɛn mo ŋa na pikplɛɛ we, má nyɛ na fanŋa nì, ní na sye ní pi hlihaʔa. Kpɔʔɔmo ma mí na taʔa wa yɛklumu ni me, ní mi fanŋa nì ge pi klɛ́n mà mo kan. Ma cri cri wí ma wɛ nɛ pa nyumu nyɛ ma mí na flo ge. Mɛ ìn bi ba gbɔʔɔ pe tɔɔ na be. Mɛjɛn ma da luʔú wa ma to asyɛnʔɛ na ge. Ma da luʔú wa na asyɛnʔɛ na màʔa faʔara ki pomo ma miì na.