Popular Bible Verses from Luki 12

Share

Yele n yɛlɛ ye wɔ́ɔ ye yeyɛɛ zámaga ye yaʔa, níì cán Syɔɔn-pya a pan làlaa ni, lee ni lè yele o wi sɔ̀ngí í.»

Ki si n yɛlɛ yele í da wi fǎngi caa, yáriri bee si náa taʔa gi na yele ma.

Níì fala n gi joo be ma níì jo: «Yaa kɔ̀rɔsíi, yé yeyɛɛ còganmi cán lɔjaabeeyi féleye myɛ na. Níì cán syɔɔn ga lɔrɔ saʔa taa felege o felege na, wi a gbǎn sìíw taa wi kɔlɔ̀ yáriri báriga ni í.»

Níì cán tɛ́ɛgee ni mɔ lɔ́ri ga pye lè, nɛɛ bee mɔ sɔnguri a wɔ́ɔ pye.

Wìí wi naa yele níngi ni, wee wi a gbǎn tètinnɛ tɔnɔganma taʔa lè wiyɛɛ tɔnɔri na wi funjurugori báriga ni?

Koro kàdoʔo ma a Zyezu gi joo wi pìitamabèle ma níì jo: «Koro na mii a gi joo yele ma, ki ga yɛlɛ yele í kɔ́ yele fúnyi yaʔa yaa curugu yele na yele sìíw kéele na í, si jo nyàʔá yele a lìi í, si wɔ́ɔ yi yaʔa yaa curugu yele céri kéele na í, si jo nyàʔá yele a le í.

Yele si na, wi n yele ǹjoori myɛ kánma cán. Ki ga yɛlɛ yaa fɛ̀ɛgí í. Yele lɔ́ri n gbàn n sɔ̀lɔ cɔ̀ɔrɔbiigéle saʔa wóro na.

«Yele bele ye nyɛ lè bàala cɛɛri, yele a kɔ́ ra fɛ̀ɛgí í. Níì cán ki n yele Tóow dɛ́nɛ bi fǎngi kaan yele ma.

Ki n yɛlɛ ye sɔ̀ngi ye wéle kàanriyi kéele na, yi o yaliire lúru í, yi si wɔ́ɔ o yaliire lée í, yaliire tɛɛkɔnyɔ ní gbòdungēle o nyɛ yi ma í. Kàjáa Kolocɔlɔɔ i yi kaangi yi i líi. Yele kéeli si n tɔ̀nɔ n kpɔ́ʔɔ n sɔ̀lɔ féjɛɛngèle wólo na!

Koro na gee yele a lìi lè, ní gee yele a gbaa lè, yele a kɔ́ ra gee bee caa í, yele a wɔ́ɔ kɔ́ yele sɔ̀nguri yaʔa taa nyáʔami í.

Amɛɛ si Kolocɔlɔɔ sìnbirigi nyàā sámagi kánmi naa na lè, gee gi nyɛ lè gee níjanʔa, nyɛ̀ʔɛna pé gi le náagi ni, wi a yele sámaga bi sɔ̀lɔ koro na ì? Yele tágali n cɛ́rɛ.

Yárigee gi lè wodɔngɔ ní, ki a kɔ́ kòro sìndɛ̀ɛn ni í, wàlá ki ga pye wolaraga ní, ki a kɔ́ kòro sìnján ni í.