Popular Bible Verses from Sélimɛ 27

Share

Kolocɔlɔɔ í kásagi kaan mɔ ma, gee gi yìrigí nyɛ̀ʔɛni na lè, si wɔ́ɔ yacanri kaan mɔ ma, dee tári yirigi lè. Yaliinɛʔɛri n fàra dùvɛɛnfɔnw na saʔa. Ki n yɛlɛ syɛɛnfeleyi í ba ra báara mɔ ma. Syɛɛnfeleyi í ba ra kpùmɔnɔ́ mɔ yɛ́ʔɛ ma. Mɔ si pye mɔ senyɛnbèle nyúngo na, ki n yɛlɛ mɔ laayirinyɛnbèle í ba ra kpùmɔnɔ́ mɔ yɛ́ʔɛ ma. Syɔ́ɔnwee wi ga ni mɔ dángi lè, ki n yɛlɛ wee bee í dánga. Wee si wi ga ni dùbaw kpéʔele mɔ ma lè, dùbaw í pye wee bee ma.»

A Ezau jo: «Koro na si ban pe wi yiri Zyakɔbi ì? Ncan wi n mii jànváa níì wiyɛɛ lége mii sìndɛɛgi ni n kwɔ́ɔ tɔlɔyɔ siin. Wi n sélì mii lɛ́ɛgi tɔ̀nɔ syɔɔ. Wéle, tɔ́ɔliw ni wi n níì mii dùbaw nɔ̀ʔɔrɔ n syɔɔ.» A Ezau níì jo: «Dùbawaa ga níì kòro lé mɔ ma bi kpéʔele mii ma í?»

Lǎli bee ni a wi tóow Izaaki wi yari: «Wéle, mɔ tɛɛ̀tɛ́ɛnni a léeli tátaanri na. Kásagi gi yìrigí nyɛ̀ʔɛni na lè, mɔ tári a ra gi taagi í. Mɔ ŋɔséew báriga ni mɔ a ra mɔ liili taagi. Mɔ si a pye mɔ senyɛnw kɔ́lɔ na. Kàjáa mɔ ga baa curugo n màʔa n kwɔ́ɔ, lǎli bee ni mɔ a wi zúuw kabi bi láʔa mɔ yátiigi na.»

A Ezau wi tóow yari: «Dùbaw bee yagana si lé wi nyɛ mɔ ma? Ki n yɛlɛ mi wɔ́ɔ dùbawaa kpéʔele mii ma, Abaa.» Níì fala ni nyaan ni yákpogi wáa.