Popular Bible Verses from Yirile 20

Share

«Mii wi nyɛ Yawe mɔ Kolocɔlɔw, wee wi mɔ yirige lè Ezyipiti tári ni, púlori kpaʔa ni. Ki ga yɛlɛ kolocɔlɔwaa í ní kɔ́ pye mɔ ma mii yɛ́ʔɛ ma í.

Mɔ a kɔ́ yasungo sámaga í. Yáriri di nyɛ lè nyɛ̀ʔɛni na ǹjogi ni, ní dee di nyɛ lè naa tári na, ní dee di nyɛ lè lǒyi fúngo ni yaà tári táàma, mɔ a kɔ́ gee bee kàa faala niwirige tan í. Mɔ a kɔ́ ra kpùmɔnɔ́ yatangi bee kàa taana í, wàlá bàā gi fáliw kpéʔele í. Níì cán mii wi lè Yawe mɔ Kolocɔlɔw, mii i nyɛ yejaʔa Kolocɔlɔɔ. Mii i tofɔbèle kolomɔ gɔlɔ́ wóo pe ní be yòdaʔayi na bi taa sa nan yìrigēle taanri ní sicɛrɛ wóli na, poro bele mii kéeli bɛɛn lè.

Da mɔ tóow ní mɔ nɔ́ɔw kpɔ̀ʔɔrɔ́, koro ga pye táree mii Yawe mɔ Kolocɔlɔw a kaan mɔ ma lè, mɔ siiw canya í nɛʔɛ di ni.

Sɔ̀ngi mi taa cândɛnɛgi na mi gi yaʔa kɔlɔ̀ na.

Mii Yawe wi lè mɔ Kolocɔlɔw, mɔ a kɔ́ ra mii mɛ́ɛgi yeri gbanzan í. Níì cán wee wi ga mii Yawe mɛ́ɛgi yeri lè gbanzan, mii a wi córo kolomɔ-funvɔlɔ í.

Ki n yɛlɛ maa báara canya kɔrɔni bi mɔ fáliw myɛ kwɔ́ɔ. Kàjáa canya kɔrɔsiin wógi i nyɛ mii Yawe mɔ Kolocɔlɔw cândɛnɛgɛ. Mɔ a kɔ́ fali faala kpéʔele gi ni í. Mɔ ní mɔ piiwee wi lè nàɔn wàlá cɔlɔɔ, n fàra mɔ falipyenǎnw, ní mɔ falipyecew, ní mɔ yaweeri, ní nibɔnbèle bele na be nyɛ mɔ kpáagi ni lè.

Mɔ a kɔ́ nyabɛɛnnɛ taa mɔ syɛɛnnyɛnnɛ kpaʔa na í. Mɔ syɛɛnnyɛnnɛ cɔ́ɔ nyánbɛɛnnɛ ga yɛlɛ bi pye mɔ na í, wàlá wi falipyenàɔn, ní wi falipyecɔɔ̀, ní wi nɔ̀ɔ, ní wi jòfani, wàlá wi kɔlɔ̀ yárigaa faala nyabɛɛnnɛ a kɔ́ pye mɔ na í.»

Mɔ a kɔ́ jànvaa séera joo bi taʔa mɔ syɛɛnnyɛnnɛ na í.

Mɔ a kɔ́ kanɔnʔɔrɔ kpéʔele í.

Mɔ a kɔ́ syɔɔn kpóo í.

Mɔ a kɔ́ yùu í.