Popular Bible Verses from Yirile 15

Share

Wi n be pye: «Yele ga ni mii Yawe yele Kolocɔlɔw jóomɔ sámagi ni lúro, ní i gi kpéʔele gee gi sín mii nyɛ́nɛ na lè, níì yele líiyi cáan ni mii kajoodɛɛngèle lúro, níì mii làlwaw kèlē myɛ kɔn ní i ge kpéʔele, yáamee mii cáan Ezyipiti ye na lè, mii a tée bi pàa cáan yele na í. Níì cán mii wi nyɛ Yawe, wee wi yele poori lè.»

Yawe wi nyɛ mii fǎngi ní mii ŋúnuyi yáriga, woro wi baa pye mii syɔɔli, woro wi nyɛ mii Kolocɔlɔw, mii i caa bàā wi kpɔ̀ʔɔrɔ́. Wi i nyɛ mii tóow Kolocɔlɔɔ, mii a ra wi kpɔ́ʔɔgi.

Ee Yawe, wìí wi nyɛ mɔ félege kolocɔlɔbèle nínge ni? Wìí wi sín n foro àmɛɛ mɔ nyɛ lè? Wìí wi nyɛ mɔ félege, wee wi nyɛ lè wojaɔn ní n foro, ní i nyɛ fyáara yáriga, níì yɛlɛ ní kpɔ̀ʔɔrɔlɔ ní, ní i kakpoloyo kpéʔele?

Mɔ n syɛ́ɛnbèle naa yɛ́ʔɛ kíni, poro bele nyúnyo mɔ syɔɔ lè mɔ funjǎngi báriga ni, Mɔ n be yɛ́ɛgi kíni mɔ séekpɔɔw báriga ni ni syée ní be ní mɔ tɛɛkòrojǎngi ma.

A be sáà nan Mara na, kàjáa pe ga gbàn n Mara lǒgi gbaa í ki soroli báriga ni. Koro na be mɛ́ɛgi le gi na ni gi yiri Mara. A syɛ́ɛnbèle fala n séli ni Mowizi sànʔá níì jo: «Nyàʔá wolo a gbaa?» A Mowizi yákpoli wáa Yawe kurugo, a Yawe tiicerigaa félege tɛ̀ɛn wi na. A wi gee bee wáa lǒgi ni, a lǒgi kàri n tɛ́nɛ. Tɛ́ɛgi bee ni Yawe làlwabéle télege ní wɔ́ɔ̀ tundunro joo be ma. Nɛɛ bee wi wɔ́ɔ̀ be sɛʔɛ n wéle.