Popular Bible Verses from JAN 15

Share

Mɛn nɔn mɛn ni divɛn yá, ló hɔ́n nɔn ɔ́n ni lóncɛn. Lephan kasé ɛbha mɛn phɔ, khɛ́n mɛn lɔ mɛn ma hɛ phɔ, ɛ́bha sómí búdúbúdú, átɛsalé kasé mɛn nɛn mɛ́ne, ɔ́n ma le gɛ tɛ́ yíɛkɛ.

Tɛmɛ ɔ́n má mɛn phɔ sa lósi mɛn lɔ mɛn khɔ ma hɔ́n phɔ. Áyá ncɛn kasé ńka njɛ, kasé ńnɛn ma áyá phɔ, ánnɛ́n gɛ sómí. Lóyábhɛ brɛ hɔ́n lɔ kasé ɔ́n ne bha mɛn phɔ, ɔ́n ma lé gɛ sómí.

Kasé ɔ́n ma mɛn phɔ, lókhɛ́n mɛn bhwetɔ́ lɔ bha hɔ́n phɔ, tɛmɛ ɔ́n mi áyí khúnbrɛn hɔ́n énɛn, ló ɔ́n ma gɛ.

Léli hɔ́n nɔn ɔ́n san mɛn, lókhɛ́n mɛn nɔn mɛn san hɔ́n ló mɛn chɛ hɔ́n lée ɔ́n no, ló ɔ́n sómí búdúbúdú, ló hɔ́n mí hɔ́n esó, olí yíbɛn otré lóne ákakhúnbrɛn. Kasé hɔ́n etɛ́ lóyábhɛ nɛn, mɛn hɛ́n hrómɛn, áyí khúnbrɛn hɔ́n ébhi mɛn Nthe, ánman sé hɔ́n!

Ápɔ́ abanbrɛn ápɔ́ khúnbrɛn, lónɔn ali sa, lephan, ɛbhó hɛ mɛpɔ́bhá sé hɛ jɔn.

Áyá ncɛn khúnbrɛn abha mɛn phɔ khɛ́n ále sómí, ánman ján yɛn, ló áyá ncɛn khúnbrɛn khɛ́n esómí ánman cu mɛ mwámwá, ochɛ́sé lóphɔ si oká, ló ocu sómí thúbhɔ.

Mɛn bidí nɔn ali sa: tɛmɛ ɔ́n pɔ́ hɔ́n bɛn nbrɛn sa lósi mɛn khɔ pɔ hɔ́n.

Kasé hɔ́n esómí búdúbúdú, lónɔn ábha chɛ́ mɛn Nthe nguhá bha thándi, ló ɔ́n ma lí mɛn yíchwɛmán.

– Mɛn nɔn mɛn ni divɛn yá mímí, ló mɛn Nthe nɔn ali divɛn nyá gɔn nthe.

Lephan kasé ɛle bha mɛn phɔ, wo bhá hɔ́n hɛ fɔ́nká bu sa áyá ncɛn si okhɔ́ hɔ́n fɔ́nká bu khɛ́n áwɛ́. Áyá ncɛn khɛ́n awɛ, wo gba bhurɛhɛ́n, wo khwɛ́n hátɛn, ló ákhó liɛ́.

Mɛɛ́n tɔ ábhwe lókɔn sé hɔ́n yé, ochɛ́sé mɛn lɔ mɛn khɔ́ hɔ́n phɔ gɛ áphɔhá ló hɔ́n phɔhá osímɛ́n.

Kasé hɔ́n éji mɛn bidí, ɔ́n ma bhá mɛn pɔ́ hrómɛn, sa lósi mɛn khɔ ji mɛn Nthe bidí ló mɛn ma mɛ́n pɔ́ hrómɛn.

Mɛn yí mɛɛ́n nɛn lée ɔ́n tɛ́ nɔn ali sa, tɛmɛ ɔ́n pɔ́ hɔ́n bɛn nbrɛn.

Kasé ɔ́n ní áthéji néphan, ka áthéjinɛ́n bha pɔ́ hɔ́n, átɛsalé ɔ́n ni mɛ́n néphan hɛ́nthé. Lókhɛ́n mɛn san hɔ́n, mɛn khwɛn hɔ́n yɛn áthéji, ló ɔ́n ne cu li áthéji néphan npɔhɔ́n: lóhɛ́nthé nɔn áthéji ésa hɔ́n mɛ.