Popular Bible Verses from JÚMÁN HRƆ́ 5

Share

Khɛ́n Piɛ le Krisi-mranchɛ́mán ɔ́nmɔn tɔ sa: – Áyɔn salé lo ji Yankan brɛn néphanmiɔn.

Ló ácí khúnbrɛn, Yankan-khúthé le ábháthó hrómɛn ɔ́nmɔn, wo mɛ́n le thú, khɛ́n wo lie néphan yí, ló wo tɔ Ábhwe Bhwábhwá ali Jezwi Mesi phɔ bhwe.

Ló Piɛ bhi nkɛ sa: – Ananiási, bítɛ khɛ́n Abhɔsɛ́mɔ́n ka hɛ thɛ́n hrómɛn, lókhɛ́n ńchɛ hɛ li nkpakprá se Nánnánmi Créncré, lókhɛ́n ɛjan hɛ bithe jɛtɛn khu tre mánji ɛ? Ábithe lókɔn ɛphɛli, áli hɛ nbrɛn bithe, lóka ɛphɛli lɔ lójɛtɛn li hɛ brɛ ékɛ, wú léliló? Ńthé kalósi akhɔ tɛ khɛ́n hɛ thɛ́n le sokhú, lókhɛ́n ɛtɛ áyí yábhɛ lókɔn e? Lóhɛ́nthé, ɛyɛ́n salé léli néphanmiɔn nɔn ɛli nkpakprá se, khɛ́n Yankan nɔn ɛli nkpakprá se. Ananiási ka aye bhwe lókɔn, ńhalé, ló ńkhu. Ló néphan khúnbrɛn khɛ́n aye lóbhwe wo esókhú.

Thénthé mɛɛ́n kranmán hɔ́n: ɔ́n ne bhu néphan lókɔn phɔ mwanhɛ́n, tɛmɛ ɔ́n yɔ́ wo khwá wo lo. Kasé wo júmán wo elí áchan néphan yé, ló nbrɛn bha lɔ. Lókhɛ́n kasé mímí nbrɛn wo júmán lókɔn chan Yankan yé, ló-ɛ ɔ́n ma lé gɛ tɛ́ lɔ. Lóhɛ́nthé nɔn kasé ɔ́n ne hamwanhɛ́n, ábha tɛ́sa Yankan nɔn ɔ́n gɛ ɔ́nmɔn hɔ́n éswan! Kwabhɔ́mán khónkhó dɛn ye Gamaliɛ bhwe atɔ.