Popular Bible Verses from Santia 3

Share

Ta̱nga xi tjínre kju̱a̱kitakunꞌen Namiña Diuu̱, kju̱a̱xabají inchatsiꞌin; tusáni, inchamangitsjai nga chꞌan kuijñájña, tꞌeꞌén ku tsitjó xikjin, on kutꞌa xu̱ta̱ xi tsé kju̱a̱nima̱ tjíma, ku tutjsái nga najmi xi ndá inchatsiꞌin; ngieje nga ngusún baseñajúnre ku kju̱a̱xikjain nga ndiyáꞌe Namiña Diuu̱ tjima.

Tsa tjin xu̱ta̱ xi jña tjímajnu ku ꞌñu makjínre ku tsé kju̱a̱kitakun tjínre, ngataku yajo̱ꞌe ku nima̱kju̱a̱ ngatjabixi.

Xi mangitsjai nga ꞌbeña kju̱a̱chꞌan nga tjimáña xi xu̱ta̱ kiꞌmíña, tsjuáre kju̱a̱chꞌan Namiña Diuu̱ ku tsjuáre kju̱a̱ndá.

ku mare̱ ꞌbatsjé kju̱a̱chini, mare̱ ꞌbatsjé kju̱a̱si, mare̱ ꞌbatsjé kju̱a̱ti, kju̱ ngieje tku̱ya kju̱a̱xaba.

Najínña nichjénña nga nichakunnéña xu̱ta̱ ku tuku kui nichjénña nga nukju̱a̱taꞌínña. Kui nichjénña nga nitsjuaju̱ña Namiña Diuu̱ xi Nami maña, ku tuku kui nichjénña nga chꞌo ꞌmíña xingiña xi ndsijin asenꞌen Namiña Diuu̱ kichꞌáña, nga̱tꞌa kui xi kuacha kitsindáña. Tsꞌeña ndichjaña, tsubajíre̱ nga kuacha ñaꞌánña.

Én xi nukju̱a̱ña nga nichjénña najínña xukútsa ngu ndiꞌi. Tuxi tsé ngaꞌñu tjínre najínña nga chja̱ ngu én xi ndáji tjin. Máre̱ basen xabáña ngieje ni̱tjin xi tjímaña, ku mare̱ tsa kui nga̱tꞌaꞌe tíña ngakꞌie̱n.

ta̱nga kje majínña nitꞌe najínña ku te̱ kje majínña nga nukju̱a̱jí én xi tsiꞌonre xu̱ta̱, xukútsa chu xi tꞌejí najínña, najmi xi mare̱ tsitꞌe ku xán xi tsikiénña tjínre.

Tsꞌeña ku ndichjaña xi sꞌejínña Kristo̱, majin nga ngiejeña nga xu̱ta̱ chji̱ne kꞌuyáña, nga̱tꞌa Namiña Diuu̱ ꞌñu tsijére xi tsé mare̱, tukꞌuajíre xu̱ta̱ xi chubátse kju̱a̱kitakun tjínre.