Popular Bible Verses from Genesis 28

Share

Ja ke'n ti oj ajyukon a moka, mi oj ka'a kan a tuch'il man oj b'ob'uk ja jas kaloj a wab'i. Chikan b'a oj wajana ojni jtalnaya'a, oj ka kumxan ja b'a lu'um iti.

B'a man cha'an yuj ja k'ejlub' te' jawi, ti alji yab' yuj ja Dyosi: —Ke'n Dyoson yuj ja Abraham sok ja Isaaki. Ja we'n sok wa wintil jumasa oj ka'wi ja lu'um b'a b'a'ana.

Yajni ya' sb'aj ja Jacobi, wa'n lek xiwel ti yala: —Ja ili, jel niwan— Ja smeranili tey il ja Dyosi, jaxa ke'n mi jach' wax na'a. —Ja iti, jani snaj ja Dyosa. —Ja iti, ja b'a oj ajyuk ochel b'a satk'inali.

Tsa'an, yala ja Jacob jach' oj sk'u'l jastal iti: —Yuj k'a oj smojtayon sok oj stalnayon ja Dyos b'a wajumoni, oj k'a ya'ki jk'u' jwex sok jwa'el, ta tsamal k'a oj ya kumxukon b'a snaj ja jtati, yujni ye'n Dyos kuja. Ja ton it ka k'e tek'an jastal oyi, ja wa sje'a b'a ti' oj ch'ak jakuke spetsanile stoyjel ja Dyosi, sok spetsanil ja jas oj ya'ki ja Dyosi, ye'nani ojni ka'yi ja b'a slajunila.

—Ja wa wintil jumasa jel oj pojxuke jastal ja ts'ub' lu'umi— Oj sb'ut' e spetsanil ja niwan chonab' iti. Yuj ja we'n sok wa wintil jumasa, jel lek oj iljuke yuj ja Dyos spetsanil ja swinkil ja lu'umi.

A'nima ja b'ajtani, ja chonab' b'a ajyi ja ton jawi, sb'i'il Almendro, jaxa Jacobi ya sb'i'iluk Betel. Wa sk'ana yale —Snaj Dyos.