Popular Bible Verses from Lucas 22

Share

Dios Teety, pën mijts m'ënaanp, tun yë mëyajtën ëts xyajkutukëty etsës ka'ap nmë''ëyowëty ya'atë jotmay, mëti'ipë jëtu'un tä ta'amnëëjën; je'eyëp ko ka'ap y'ëjtsëty njä'a tyunëty, yë'ë yajtun wi'ix mijts të xytyuknipëjktaakën.

je'eyëp ko tëëjës ja Dios nmënu'kxtä'äky ets ja mmëpëjkën ka'ap tyëkoy'atëty ets ko mjootwinpitëty mëët ëjts, jotmëkwinkajpxë ja mjëëky mmëku'uk.

Tääts ja tsajpkääky tkoonë'ky ets näjyëtu'un ja Dios ojts tkukajpxë, tääts ojts tujkwä'kxy ets tmooy ja y'ijxpëjkpëtëjk ets y'ënäny: Ëjts ya'atë ni'kx nkopk mëti'ipës nyäjkpyën ets miits xytyuk'oy'atëty, yë'ë tuntë ets xytyukja'amyätstëtyës.

Näyjyëtu'un tuuny ko y'a'ux'ajtaay ets tkoonë'ky ja a'ukën ets y'ënäny: Ëjts ya'atë nne'pny mëti'ipë miits mtuk'oy'atantëpën ets ja Dios ja käjpxytyu'unën tyaj'ëtukëty.

Ma ja Jesús y'ëyoyën ets ja Dios mëktä'äky tja'amyetsyën, nëkoo ja pyëxyik nyajtsxä'kxënë ijxtëm ja ne'pynyën.

E ma miitsëtyën, ka'ap mëpaat jëtu'un mja'ay'atë. Pën mëj itaanp, yë'ë mëpaat mutsk nyäyajnaxyë; pën ënä'ämaanpën, yë'ë mëpaat nyäyajnaxyë mëtuunpë.

Ënet ja Jesús y'ënëmaayë: Pedro, jëtu'un mijts t'ënëëmë, tyam naamka'anëm ënety ja këtseynyë'aaw yaaxë'ëky ko mijts tëkëëk ok xykyuyu'utsëtyës, ko mijts m'ëna'anëty ko ka'ap xy'ixy'ätyës.