Popular Bible Verses from Lucas 13

Share

Jam mëpaat mtëkëtë ma ja tëjk'aawën xu'utspë. Jëtu'un miits nëëmëtë ko may ja ja'ay nëjkx jyatëkëja'antë, je'eyëp ko ka'ap nëjkx nyaxtë.

Japts ënety tu'uk ja to'oxytyëjk. Majkmokx tëkëëk jëmëjt ënety të y'ijnë ma pyatënën ja pa'am. Tëë jyëku'uxënë, ka'ap y'ëkkoowkujkënë, ku'oypyë jëtu'un tuunëp. Ko Jesús t'ijxy, tääts tyaxëy ets t'ënëmaay: Tëë yë mpa'am mniwa'atsyë, oy mëk tyam mijtsnë.

Tääts ojts tkë'ënixajy ets kyoowkujkëy, ojts ja jyëxk tyiy ets ja Dios tmëjja'aw tjaantyja'awëy.

Ënet nëjkx pënëty jëyëjp nyaxtë mëti'ipë tyam okëtyën, ets ix'ok mëti'ipë tyam jëyëjpëtyën.

Ko ja kutëjk pyëtë'ëkëty ets ja tëjk'aaw tyaj'ëtukëty, pën jap ënety miits të mwë'ëmtë tëja'p, mjaakukajpxëtëp ma ja tëjk'aawën ets mja'ëna'antëty: Wintsën, yaj'ëwa'ats yë tëjk'aaw, tëkëjantëpës. Ënet ja kutëjk m'ëtsowëtëty: ka'apës nijawë mpën miitsëty.

Jëtu'un miits nëëmëtë ko ka'ap; miitsëty pën ka'ap xy'ëxmatstë ja m'ëxëëk winma'anyëty, näjyëtu'un m'ooka'antë.

Ets myaj'ëtsowtëty: Tëës nnikäjpxy ko ka'apës nijawë mpën miitsëty. Jëwa'aktë ni'ëmukë mëti'ipë tyuuntëpën ja ëxëëkpë.

Näyjyëtu'un ja Jesús y'ënäny: ¿Tii ntukmë'ijxkijpxmëp ja Dios ja kyutujkën, tii jëtää mëët tyu'knaxëty? Jëtu'un yë'ë ijxtëm ja mostasë pajkën mëti'ipë ja'ay wyijpyën kyamjotm. Ko myuxy ets yony ijxtëm tu'uk ja kepyën, jam ja joon ja pyä'än tpëjkta'aktë ma ja y'ääy xye'entyën.