Popular Bible Verses from MATIUS 9

Share

Ida raris ngandika ring parasisian Idane: “Padine ene suba sedeng anyi liu pesan, nanging paderepe tuah abedik. Nunas icaja teken Ida Sang madue padine ento, apanga Ida ngandikayang paderepe nganyi padi druen Idane.”

Sane mangkin makaonja ragane tur pakayuninja teges sabdan Cakepan Sucine sane asapuniki: ‘Ane arsayang Ulun dongja aturan, nanging kapitresnan.’ Rauh tiange puniki boyaja ngrereh anak sane luih, nanging anak sane nista dama.”

Wau Ida ngaksi anake punika, irika kadi ketus kayun Idane antuk kawelas arsan, santukan anake punika sami pada lesu tan wenten sane ngrunguang tan bina kadi biri-biri sane tan wenten pangangonipune.

Rikala Ida Hyang Yesus mireng paindikane punika, Ida raris masaur asapuniki: “Anake sane seger nenten ipun merluang balian. Nanging anake sane sakit sinah ipun merluang.

Kadi asapunika Ida Hyang Yesus mamargi nglelana nylajah kota miwah desa-desa makasami. Ida mapaica paurukan ring perhyangan-perhyangan anak Yahudine, tur ngortiang Orti Rahayu indik Ida Sang Hyang Widi Wasa ngadegang Pamrentahan Idane, tur nyegerang anake akeh saking saananing sakit miwah pinakit.