Popular Bible Verses from MATIUS 4

Share

Pasaur Ida Hyang Yesus: “Ada kakecap di Cakepan Sucine, kene: ‘Manusane ento tuaraja idup baan roti dogen, nanging aji sakancan sabda ane kasabdayang baan Ida Sang Hyang Widi Wasa.’ ”

Raris Ida ngandika: “Ih Ratun Setan magedija iba! Krana ada kakecap di Cakepan Sucine, kene: ‘Iba patut nyumbah Ida Sang Hyang Widi Wasa, Panembahan ibane, tuah teken Ida dogen iba patut mabakti!’ ”

Pasaur Ida Hyang Yesus: “Ada masih kakecap di Cakepan Sucine kene: ‘Edaja iba mintonin Ida Sang Hyang Widi Wasa Panembahan ibane.’ ”

Roh Ida Sang Hyang Widi Wasa tumuli nuntun Ida Hyang Yesus ka tegal melakange mangda kagoda antuk Ratun Setane. Sasampune Ida mapuasa petang dasa rahina, raris Ida marasa lue.

Ida Hyang Yesus raris ngandikain dane: “Maija tututin Guru. Cening bakal dadiang Guru utusan buat ngalih anak apang dadi sisian Gurune.” Daweg punika ugi jaring danene katilar, raris ngiring Ida Hyang Yesus.

Ngawit kala punika Ida Hyang Yesus mapidarta: “Pada sehinja pepinehe tur kutangja dosa-dosan ragane, sawireh Ida Sang Hyang Widi Wasa dienggal lakar ngadegang Pamrentahan Idane!”