Popular Bible Verses from LUKAS 8

Share

Ane ulung di tanahe ane lemek, nah ento anake ane madingehang sabdane ento, laut nelebang di tungtung kenehne saha astiti bakti teken Ida Sang Hyang Widi Wasa. Ia anteng tur teleb, kanti bibite ento mabuah.”

Ane ulung di tanahe ane misi tunggak-tunggak ketket, nah ento anake ane madingehang sabdane ento, nanging ia kaliput baan jejeh muah kasugihan muah kawiryan idup cara di jagate, kanti tuara nyidayang mabuah ane melah.

Ane ulung di tanahe ane madasar paras, nah ento, anake ane ningehang laut nrima sabdane ento saha liang, nanging tusing mateleb di kenehne. Ia gangsar pracaya, nanging dikalane katempuh baan gegodan, ia lantas mabalik.

Ida raris ngandika ring parasisian Idane: “Apa kranane cening tusing pracaya teken Guru?” Nanging dane sareng sami karesresan tur angob, raris pakisi ring timpalnyane sapuniki: “Nyenke sasajaane Anake ene? Angin muah ombak titaha, kanti pada nungkul.”

Ane ulung di lubukane, nah ento anak ane suba madingehang sabdane ento, nanging teka Ratun Setane mancut sabdane ento uli di kenehne, apanga ia buung pracaya muah karahayuang.

Saluiring paundukane ane ilid lakar kedengang muah ane pingit lakar kawerayang tur kalumbrahang.

Anake istri punika uning ring dewek katangehan, irika ipun ngetor tangkil, nylempoh ring ajeng Idane. Ring arepan anake akeh punika ipun nguningayang ring Ida, punapi awinannya ipun ngusud Ida miwah indikipune jeg pramangkin seger. Ida Hyang Yesus ngandika ring ipun, sapuniki: “Ih eluh, kapracayan eluhe ane suba nyegerang eluh. Kemaja mulih saha rahayu.”

Parasisian Idane raris nganampekin tur nangiang Ida, aturnyane: “Guru matangija! Santukan iraga tambis-tambis padem kalebu!” Ida Hyang Yesus raris matangi, tumuli namprat angin miwah toyane sane ngrubeda punika. Angin miwah toyane punika endek, tur danune raris teduh.