Popular Bible Verses from YOSUA 23

Share

Sane mangkin, panemayan tiange padem sampun rauh. Semeton suang-suang uning ring angen semetone, mungguing Ida Sang Hyang Widi Wasa, Widin semetone sampun maicayang sakancan paindikan sane becik, sane sampun janjiang Ida ring semeton. Saluiring paindikan sane janjiang Ida makasami sampun kadagingin. Angan asikiko tan wenten sane nenten kalaksanayang.

Duaning punika, pagehangja astiti baktin semetone ring Ida Sang Hyang Widi Wasa, Widin semetone.

Semeton suang-suang mrasidayang nyerihang jadma panyiuan akehipun, santukan Ida Sang Hyang Widi Wasa, Widin semetone sane mayuda pabuat semeton, sakadi sane sampun janjiang Ida ring semeton.

Nanging semeton patut astiti bakti ring Ida Sang Hyang Widi Wasa, sakadi sane sampun laksanayang semeton rauh mangkin.

Duaning punika pagehangja ninutin sakancan sane sinurat ring cakepan Pidabdab Dane Musa. Sampunangja semeton tempal saking daging cakepan punika.