Popular Bible Verses from YOSUA 10

Share

Kenginan suryane punika raris mandeg tur bulane nenten mamargi ngantos bangsa Israele punika mrasidayang ngaonang meseh ipune. Indike punika sinurat ring Cakepan Yasare. Suryane mandeg ring basan tengah langite tur nenten ngarorokang ngantos arahina mepek.

Ring rahinane punika, duk Ida Sang Hyang Widi Wasa mapaica kamenangan ring wong Israele marep ring wong Amorine, Dane Yosua raris matur ring Ida Sang Hyang Widi Wasa, ring arepan wong Israele kadi asapuniki: “Ih matan ai, nongosja ditu di duur kota Gibeone, muah iba bulan, nongos di duur Lebak Ayalone.”

Durung wenten rahina kadi asapunika yadian duking nguni wiadin ring masane sane jaga rauh, inggih punika Ida Sang Hyang Widi Wasa nagingin pinunas manusa kadi asapunika. Ida Sang Hyang Widi Wasa ledang mayuda ngroangin wong Israele!

Ida Sang Hyang Widi Wasa masabda ring Dane Yosua sapuniki: “Edaja kita takut teken ia ajaka makejang. Ulun suba maicayang kamenangan teken kita. Uli pantarannyane aukudko tusing ada ane nyidayang ngarepin kita.”

Sasampune punika Dane Yosua raris ngandika ring paraprawirane sapuniki: “Sampunangja semeton jejeh wiadin takut, semeton patut pracaya tur sura dira. Santukan kadi asapuniki jagi indiknya pakardin Ida Sang Hyang Widi Wasa marep ring parameseh semetone.”