Popular Bible Verses from NABI YUNUS 3

Share

Ida Sang Hyang Widi Wasa ngaksi indik sane kalaksanayang antuk penduduk kota Niniwe punika. Ida ngaksi mungguing ipun sampun wusan ngambekang kajaatan. Duaning punika Ida raris ngurungang pakayunan Idane, tur Ida tan durus nyisipang ipun sakadi sane sampun rencanayang Ida.

Penduduk kota Niniwe raris pracaya ring sapangandikan Ida Sang Hyang Widi Wasa. Ipun sareng sami raris mutusang, mungguing sakancan anake patut mapuasa, tur rakyate makasami agung alit ngawit saking sane pinih utama ngantos sane pinih nista, makasami nyaluk pangangge kaduhkitan buat nyinahang ipun sampun kapok.