Popular Bible Verses from NABI YEREMIA 8

Share

Punapike ring Gilead nenten wenten tamba? Punapike irika nenten wenten dokter? Napi awinanne bangsan tiange durung seger?

Ida Sang Hyang Widi Wasa ngandikayang tiang mabaos ring kaulan Idane sapuniki: “Yen ada anak labuh, singke ia buin bangun? Yen ada anak kasasar majalan, tusingke ia lakar malipetan?

Kedis cangake nawang masanne ia malipetan. Kedis dara, sesapi muah kedis sangsiahe nawang buin pidan masanne ia makisid. Nanging kita kaulan Ulune tusing nawang pituduh-pituduh ane anggon Ulun mrentah kita.

Ulun sarat pesan madingehang, nanging kita tusing nyak ngraos beneh. Uli pantaran kitane adiriko tusing ada ane nyelsel teken kajaatannyane. Adiriko tusing ada ane matakon kene: ‘Napike iwang titiange?’ Kita makejang enu nerusang pajalan kitane niri buka jarane mamuuk ka pasiatan.

Jleman kitane ane wicaksana lakar kimud. Ia lakar pada bingung laut kejuk. Ia suba nulak sabdan Ulune. Ane jani kawicaksanan apa ane enu gelahanga.