Popular Bible Verses from PARAHAKIM 6

Share

Irika malaekat Ida Sang Hyang Widi Wasa raris mapakantenang raga ring dane, sarwi ngandika sapuniki: “Ih anak ane prawira muah prakasa, Ida Sang Hyang Widi Wasa ngiangin kita.”

Irika Ida Sang Hyang Widi Wasa, nitahang dane, kadi asapuniki: “Kemaja anggon sakancan kakuatan kitane ane gede ento, tur bebasang bangsa Israele uli wong Midiane. Ulun ane ngutus kita.”

Ida Sang Hyang Widi Wasa ngandika sapuniki: “Kita nyidayang nglaksanayang unduke ento, sawireh Ulun ane lakar nulungin kita. Kita lakar ngalahang tur ngenyagang wong Midiane patuh buka kita nglawan anak aukud.”

Dane Gideon tumuli matur ring Ida sapuniki: “Inggih Ratu, yening titiang kalugra nunasang, napi awinannya kawentenan titiange sareng sami sakadi mangkin, yening wiakti Ida Sang Hyang Widi Wasa ngiangin titiang. Sapunapike indik katawahan-katawahan sane biasa kakardi antuk Ida Sang Hyang Widi Wasa, sane katuturang antuk parawong tuan titiange, inggih punika indik Idane sane sampun nantan ipun kesah saking Mesir? Ida Sang Hyang Widi Wasa sampun nilar tur ngentungang titiang sajeroning kakuasaan wong Midiane.”

Dane Gideon tumuli matur sapuniki: “Nanging sapunapiang titiang jaga mebasang wong Israele? Palingsehan titiange, palingsehan sane pinih alita sajeroning suku Manase, tur titiang puniki jadma sane pinih tan paji ring kulawargan titiange.”

Sasampune punika malaekat Ida Sang Hyang Widi Wasa raris rauh ring desa Opra, tur malinggih ring sor wit tarbantine, druen Dane Yoas anak saking palingsehan Abieser. Okan danene, Dane Gideon sedekan mengkeb nyosoh gandum ring genahe meres anggur, mangdane dane nenten kapanggihin antuk wong Midiane.

Irika Dane Gideon tumuli ngwangun pamorboran aturan ring genahe punika pabuat Ida Sang Hyang Widi Wasa, tur kawastanin: “Ida Sang Hyang Widi Wasa maraga dame.” (Pamorboran aturane punika kantun ring Opra, dados padruen palingsehan Abieser.)

Dane Gideon raris matur sapuniki: “Yening Palungguh IRatu wiakti ledang ring titiang, icenja titiang makudang-kudang tanda, mungguing Palungguh IRatu wiakti Ida Sang Hyang Widi Wasa.

Nanging Ida Sang Hyang Widi Wasa ngandika ring dane sapuniki: “Rahayuja kita. Edaja kita takut. Kita tusing lakar mati.”

Bangsa Israele malih ngardi dosa ring ayun Ida Sang Hyang Widi Wasa, punika awinannya Ida Sang Hyang Widi Wasa manggayang ipun kaprentah antuk wong Midiane kantos pitung taun suenipun.