Popular Bible Verses from NABI YESAYA 60

Share

Ih Yerusalem, matangija. Samaliha masinarja sakadi surya. Kaluihan Ida Sang Hyang Widi Wasa sampun masinar ring ragane.

Parabangsane pacang pada rauh maranin galang ragane, tur pararatune pacang rauh maranin galang kangin rahinan ragane sane anyar.

Bangsa-bangsane sane tiosan pacang kalikub antuk peteng dedet, nanging cayan Idane Sang Hyang Widi Wasa pacang masinar ring ragane. Tejan Idane pacang ngiangin ragane.

Yadiapin panyamaan kitane ane paling cenik tur nistana, ia lakar dadi gede patuh buka bangsane ane paling kuata. Dikala masane ane melah ento teka, ditu Ulun lakar dienggal ngawanang unduke ento kadagingan. Ulun ene Ida Sang Hyang Widi Wasa.”

Pabuat kita, matan aine tusing lakar perlu buin nyuluhin kita dikalane lemah, wiadin bulane dikala peteng. Ulun Sang Hyang Widi Wasa ane lakar dadi galang kitane ane langgeng. Cayan kaluihan Ulune ane lakar masinar sig kitane.

Masa kasedihan kitane suba suud. Ulun Sang Hyang Widi Wasa ane lakar dadi galang kitane ane langgeng, lebihan teken matan ai muah bulane.

Ragane pacang ngantenang indike punika tur ragane pacang girang. Ragane pacang ngetor kabatek antuk liang ragane. Kasugihan parabangsane pacang kaserahang ring ragane. Anake sane sugih-sugih saking duranegara sami taler pada rauh.

Macingakanja milehan ring kiwa tengen ragane, tur cingakinja indike sane wenten. Rakyat ragane pada rauh mapunduh ring ragane. Okan ragane sane lanang-lanang pacang rauh saking doh. Okan ragane sane istri-istri pacang kagandong sakadi anak alit.

Rakyat kitane makejang lakar nyalanang ane beneh, tur lakar ngwarisin gumine ene salawas-lawasne. Ulun ane ngadakang muah numbuhang ia buat nyinahang kagungan Ulune teken anake makejang.

Suara-suara kakerasan tusing lakar enu buin kadingehan. Bencanane tusing lakar buin ngrusak gumin kitane. Ulun lakar nyayubin muah nindihin kita buka temboke. Kita lakar muji Ulun sawireh Ulun suba ngrahayuang kita.

Gapuran kitane lakar tansah mampakan peteng lemah, apanga pararatun bangsane nyidayang ngaturang kasugihannyane teken kita.

Saking Midian miwah Epa jaga rauh unta marerod akeh pisan. Wenten taler sane rauh saking Seba makta mas miwah menyan. Rakyate pacang nyritayang orti sane becik sane sampun kakardi antuk Ida Sang Hyang Widi Wasa.

Ida Sang Hyang Widi Wasa ngandika ring kota Yerusaleme sapuniki: “Wong sunantarane lakar buin ngwangun tembok kitane tur pararatunnyane lakar ngancangin kita. Dikalane Ulun duka, Ulun ngukum kita, nanging ane jani Ulun lakar nyinahang sih pasuecan muah kapiolasan Ulune.

Kita tusing lakar enu dadi kota ane kagetingin muah makutang suung mangmung. Ulun lakar nadiang kita kota ane gede tur luih, tongos masuka-sukaan salawas-lawasne.

Bangsa-bangsa muah pararatune ane lakar miara kita waluya buka anake luh matiningin pianakne. Ditu kita lakar nawang mungguing Ulun Sang Hyang Widi Wasa ane suba ngrahayuang kita, tur Widin Israele ane kuasa suba mebasang kita.