Popular Bible Verses from Lucas 23

Share

Wa'nit jä Jesús wya'an: Tee, tokenmääjkxe yëëta, ka' tnijaweta tiwe tyuntep. Wa'nit jä tujpatëjkta jä Jesús jä'ä wyit tnikuuyete pëne tuketakep jä wit.

Wa'nit jä Jesús y'atsoowe: Tïwa ëts nwya'any xyam y'ijt mits m'ijtet ëts mëët jäm juma jä Kunuukxtee jä'ä oy ijt tmëëta.

Wa'nit jä wya'an: —Jesús, xjäämyätsapam ëts ku mits jä'ä mkutujken xyajkminet.

Wa'nit jä Jesús wa'ajts mëjk ojts kyëts jäts wya'any: —Tee, mits mkëm ëts jä'ä njawen pïm. Ku we'en wya'any, wa'nit y'ookne.

Ku jäm jyete juma jä ijt txëëja Calavera, jäm jä Jesús tyajkcruzpääte mëët nimäjtsk jä token jayeta, tu'k jä Jesús y'akayen'pa'ay jäts jätu'k y'anajem'pa'ay.

Kujk xëë wye'ena ku jä ijt naxwiin nijum ojts kyotsekïx, jäts tuuk yaaxp we'en y'ijt jä'ä ijt naxwiin. Jä xëë ojts pijts, jäts jä wit juu jäm tsaptëjkm yajkwaantep atëytujken këëkujk ojts tyukëëtsa.

Ku jä tujpa nyiwintsen t'ix tsoj jyaty nyax, wa'nit jä Kunu'kxtee ojts tjantsyjawa, jäts wya'any: —Tïwam tam, yëë ya'atyëjk ka ijt ti token tmëëta