Popular Bible Verses from Lucas 19

Share

Jä Jaye y'unek jä'ä nïmäts jäts t'ixta jäts tyajkmataket juu toke'ijtp.

Jäts wya'anta: —Kunuukx jä yajkutujkpa juu mäjtsp jä Wintsën xyëëkëx, Jä y'oyen jäm tsajpjotm jäts nawye'en jä xoonkyen jäm këxm.

Wa'nit jä Jesús wya'an: —Xyam tjyeya jä kunujkxën yaja mtëjk jeet, yëë ya'atyëjk xyaja jä yëwe'e jä y'ap y'ok jä Abraham.

Ku jä Jesús nyax jämtsoj, wa'nit jä pyat'ix, jäts yajknïmye: —Zaqueo, jatye jäm wanejke, xyam ëts ntanwa'any jäm mits mtëjk jootm. Wa'nit jä Zaqueo jatye wyajkne jäm, jäts wa'ajts oy jä tkupijk jä Jesús jäm tyëjk'jootm.

Wa'nit jä Zaqueo tyenye jäts tnïmye jä Wintsën: —Xyam ëts nwa'any, mits Wintsën, nmootap ëts jä ayowa jayeta kujkwajkx juu ëts nijum nmëët; jäts pen pën jaye ëts nmeetsaa, nmoyempijnep ëts jä majktaax ook muniyujk.

Wa'nit jä fariseos juu jäm wenyetep may jaye y'akujkmta jäts tnïmyete: —Wintsën, nëmeta yëë mjayeta juu mpayoyetep jäts y'amontat. Wa'nit jä Jesús y'atsowete: —We'en ëts nwa'an ku yëë y'ijt y'amontat, yëë tsaa paata n'ijt kyots'pëjktat.