Popular Bible Verses from Lucas 14

Share

Pen pën ëts xpayo'oywampy jäts ka' ëts xtsejk muniyuk ixun jä tyee, jä tyaak, jä tye'extëjk, jä y'unekta, jä y'utsta jäts jä tsyetëjkta, jäts kë'ëm oy nyatsyeke, ka' y'oya ëts jä n'ixpëjkpa y'ijtet.

Jäts pën ka' mits jä mkëëm cruz xkeyëjkta jäts ëts xpayo'oyet, ka' y'oya ëts jä n'ixpëjkpa y'ijtet.

Pen pën mëj këxm nayjawep, jä amuutsk nëjkx yajkpëëmne, pen pën nïïjk'naaxke, jä nimëj nëjkx ijt.

Jäts we'en, pën ka' miitsta xmatsojkta nijum juu mëëta, ka' y'oya m'ijtat ëts jä n'ixpëjkpa.

Pen pën jäm miitsta nitu'kta jä mëj tëjk tyajk'oyawaan, ¿ka' jäyip tsyenat jäts twinmayet tpayo'oyet pen nipaatap jä myeen jäts tyajk'awatat jä tyunk'aa? Jätu'k jëpy, ku jä tyëjk tsoontëjket jäts ka' tyajk'awatat, nijum jä jayeta juu t'ixtap jä tyunk'aa tuxï'ïk jä ijtet. Jäts wya'antat: Yë ya'atyëjk ojts t'ujktsoontejk jä tyëjk, jäts ka' ojts tyajk'awaata jää tyuunjk'aa.

Ku wye'ena, mits jä xëë xtun, jä mits wowep juu ayoow jayeta, jä juu pëjketep, juu tekma'ata kë'ëma'ata jäts juu wiintsta; jäts mits we'en oy mnayjawat, jääta ka' y'oyexetat tsoj tkujuytat, jäts mits wye'ena myajkmoyempijtne ku jä xëë tpaatet ku jä oy jayeta wye'ena jyuujkpëjktenet jätu'k ok.

Jä kaan oy jä'ä; ku kya' o'k ta'amtsene, ¿tsoj yajktunet jäts y'oyat jätu'k ook? Ka' y'ujk ooyene jäts tyunet naax mëët nijää juma jää may pu'ux. Jä oy ku yajk'exkoonet. Pen pën jäm tyaatsk, we'en t'amotenaxë oy.