Popular Bible Verses from Matheyo 13

Share

Woomalihera, mmiso ole waaliwe vatthayani yooreera, owo ti mutthu yoole oniiwa masu ni oniiwexexa. Onnavaha yoohepha: mmiso mmoha sinimwiima imaara ncira, mmiso mukina imaara miloko mithannamosa ni mukinatho imaara miloko miraru.”

Mwaha wa mmiso ole waaliwe vanyiiwani, owo ti mutthu yoole oniiwa masu, mene weeteteiya wa okumi ola ni olokottha wa opuha onimvuvura omutatuxaka oohiima.

Mutthu iiwa mutthenga wa omwene ni aahiiwexexa mutthenga ole, mutakhali onimoowa ni onoomwaakha mmiso waaliwe mmurimanimwawe. Ola ti mmiso waaliwe mukerekhere wa ephiro.

Mwaha wa mmiso ole waaliwe vamasorosoroni, owo ti yoole mutthu oniiwa masu ni woowaakuveya onaakhelela ni ohakalala. Wa soothesene, woonaka weera khanono mukwankhwaari mwaneenaawe, onoopwaherera ehuhu vakhaani paahi. Saakhumelelaka soohooxa, hoye hoye ottharatthariwa niwoko na masu ala, woowaakuveya onoohiya.

Omwene wa wiirimu ori ntoko muhakhu woottittimiheyaxa ovithiwe mmatta. Mutthu mmoha aaphwannyaawe, aavitha emaara yanaaveeli, anarowa ni ohakalala anathumiha sootheene aarinaawe. Vano aathuma ematta ele.

Mukinatho waamorela vatthayani yooreera ni waavaha soohepha sooreera: mmiso mmoha soowiima imaara ncira, mmiso mukina soowiima imaara miloko mithannamosa, ni mukinatho imaara miloko miraru.

Muhiye weera sunnuwe vamoha mpaka ehuhu ya ohepha. Vano, miyo nkiweerele anamahepha weera epacere omuukela nakhwali, emutthukaka irecesene weera sihisiwe. Vahoolowaya nkiweerele weera ethukumanye etrigu ni ethokorore vatathaniwaka.’”