Popular Bible Verses from Yohana 16

Share

Nene nahanyiye ërëë kunë nyenye, gusoko nene gukhuvëe ginanyu nyenye mudahe uhanga majëghana. Mu urëmi mwëna makhasëkoe; ëgweeso khomii nkhoo, nene nauhumie urëmi.”

Neikwë Mwahu wa tutë waja, ujie umutongeera nyenye mu tutë oong'e. Gusoko mweeso atiurighëëtya gwa ihaa rakwe mughonjo, ëgweeso rasëë roong'e në ugutigheeya kunë nene winjë umukhanëa nyenye. Na mweeso ugumukhanëa nyenye mantu ayoo nëejie.

Tutë, tuutë, nene ngumukhanëa nyenye, nesa nyenye mwinjë umuromba Tata intu roong'e, mweeso winjë umufa nyenye gwa rina rane.

Ëgweeso nene ngumukhanëa nyenye tutë; ëyëë në gusoko a sao anyu gusoko nene nende. Gusoko nesa nene nëdëe gwenda, Mwaarëëyi atijie kunë nyenye. Ëgweeso nesa nene nende, nene ngumutuma mweeso kunë nyenye. Na nikwë mweeso waja, mweeso ujie uwuraghëëra urëmi ihutye, nane tutë nane iramwuwa.

Uvii nyenye itungwee mwina uvavi, ëgweeso nene nëjie umwona nyenye kangë na nkhoo yanyu yënjë uyanja. Na gutie muntu në winjë umuhegheya nyenye uyanjo wasuu. Na itiku rasëë nyenye mutiinjë unomba nene intu mbanduvë.

Tutë, tuutë, nene ngumukhanëa nyenye, nyenye mwinjë urëa na uhongeya, ëgweeso urëmi winjë uyanja. Nyenye mwinjë uhumwa na uvavi, ëgweeso uvavi wanyu winjë ufeuka uyanjo.