Popular Bible Verses from 2 Akorinto 4

Share

Uvii sese gutigihenga mantu nëëdwëëre ëgweeso mantu nëëtidwëëre. Gusoko mantu asaa nëëdwëëre ëgukëra, ëgweeso mantu asaa nëëtidwëëre ëtiukëra.

Uvii sese gutiutëna nkumbu. Mbesa mëërë itu ëgukhombifa, ufanga witu wa mukhatë ugutëndwaa ukhamu nanguu mwitiku. Gusoko makhasëko manyughu nëëguguhanga sese itungwee ëgugughondanëya gusoko a weru wa khae na khae uroo nëutiudaha gikhwanëywa.

Sese gugasëka gwa njëa yoong'e, ëgweeso gutiusyekaa. Mbesa itungo në sese gutimanyie gutënde wurë, ëgweeso gutiutëna khumbu kamwe. Arunghu vitu vëugukhasya sese, ëgweeso Muungu atëugurekaa, veeso vëugusacha sese gugwe, ëgweeso sese gutiukuyaa.

Ëgweeso sese gukweti mpamba ëyëë a gënkhoo mung'ë a maifee a irongo. Ëyëë ëguraghëëra mwino tutë udaho në üküü ufumie kunë Muungu ti kunë sese.

Gwa uvaru wawe, Setani, mungu wa urëmi uruu wendie ufokuya mahaa a avoo nëvëtihuvëe. Veeso vëtinje goona weru, wasuu unë Sayu Njija nëëmughokee üküü wamwa Kiristo, unë vining'anëre viina Muungu.

Gusoko në Muungu agahanya, “Weru në werye mukiti.” Në Muungu uyuyo unë wendie umwëka munkhoo yitu gwa ugufa weru wa umanyi wa weru wa Muungu usonge a miho amwa Kiristo.