Popular Bible Verses from Máakúsʉ 14

Share

Ə́ mə́ ndâʼ ngô: «Ába, Tǎa, mboʼ có no tsə̂ yé ghô po. Pyárə́ ngwôʼ yo yi tô lə́ məŋ lo. Lə́, koo ghʉ̂ pə̂ ghâa ləkoŋtə, ghʉ̌ pə̂ gho.»

Koo pei kə̂ ndé, pei sʉ́ʉtə́ Sê ə́ mbóghʼ lə̂ mpfúŋ cər nkwaʼtə. Ntə̂ʉ ŋuu-məsoŋ ghwo məkwaŋtə shʉʼʉ, lə́ mbap mbəʉ ye pwôr.»

Məŋ ndaʼ wéi, kwaʼ lə́nə́ʉ, maa yʉʼ tsəm yi pə́ táa tsətə́ Nkəʉ Shʉʼʉ zâa wó cər nzʉ̂, pə́ táa leʼtə́ zə̂u yi məngyě wo ghʉ̌ zěi, pə lághʼ ńkʉ́ʉtə́ yé.»

a lâʼ lə́ páp ngô: «Ntə̂ʉ ghâa gháʼa mə́ ncátə pə́ lə̂ mbə̂u yi mboʼ n nkwʉ̂. Pei nyáŋ yaʼa gháʼá. Pei páa lə̂ ndé.»

Gháp pə̂ nzʉ̂ məzʉ̂, Yěso pyê mbələ̂ghʼ, ə́ ŋə́ nkhwo mbó Sê, ə́ mbwóʼtə́ ə́ mə́ ŋə̂ lə́ páp, ə́ ndǎʼ ngô: Pei ko! Yô mbap mbəʉ zâa

ə́ mbou nkhwór tə́tóʼ məluʼ, ə́ ŋə́ nkhwo mbó Sê, ə́ ŋə́ lə́ páp, gháp pə́tsəm nô. A lâʼ lə́ páp ngô: «Yô məci mâa, ə́ mbə́ məci mi kaa* shwî, mi ə́ wo ncwə́rə́ wó ńté tû pye tə nzáa.

Yěso lâʼ lə́ páp ngô: «Pei pə́tsəm wo měʼ ghâa, ə́ khʉ̌. Ə̂ laghʼ ḿbəutə́ lə̂ zə̂u yi pə́ lə ŋwaʼá cər ŋwaʼa Sê ngô: N ntáa sə́u mbapə mbî, məndənzʉ* sêi.»

Pei lesê paghʼə lə́r! Ŋuu yi a fêi ghâa ńŋə̂ lə́ páp wə̂, a tô lə̂!»

Yěso pwôr lə́ zʉ́ ngô: «Məŋ ndáʼ ghô kwaʼ lə́nə́ʉ, mənkhwoʼ táa ghǐ tóŋ lətwûʼ leʼé wo mpfu pwô, mə́i o muŋú mə́ ghâa mpfu tárə́.»