Popular Bible Verses from Məfaʼə 11

Share

Ndzaŋə a nə ńdzɨ́ nə́ yí lə́, ńdɔg a yí ńgyǐ nə́ yə́ á Antiokə. Á mə́m táʼ ngoʼ pó Banabasə tíʼ ńtsɛntə̂ pópə nkyeetə pɔ́ pə́ Yesö, ńdzéʼkə pɨ pipə nɨ́ nə́. Lə́ nə́ ḿbə́ Antiok páʼ pə́ nə́ ḿbeg nə́ ńchúʼə mə́ fóŋ nə́ ngaŋə́zoŋə́ndzəm Yeso nə́ Pɔ́ pə́ Yeso.

Əghâ ándó páʼ Banabas a nə́ ńkwú nə́ Antiok ńjɨ́ ndzaŋ Əsê kə fɛ̂ nə́ afoʼə á mbô pó lə́, á nə ńkɔŋtə̂ ńtə́gtə ághɔ́b pətsəm ə́sóŋ ńgə́ pó tə́gə atûə azɔ́b nə́ anǔəsê ńkə́ ńdzoŋ ndzəm Mmaʼmbî nə́ ntɨ́ əghɔ́b ətsəmə. Banabasə a nə ḿbə́ lə́ ŋwu yí əshîʼnə, ńdwɛ́nkə nə́ Ajwǐəsê mbɨ ńtúg mbimə́, pɨ pipə nɨ́ nə́ pó kə néŋ ntɨ́ əghɔ́b nə́ Mmaʼmbî ńtíʼ ńdzoŋə̂ yə́.

A lánə ńchígə́ ŋ́ŋwaʼ ńgə́, məfɛ̂nə Əsê a kə fɛ̂ nə́ á mbô pətəjǐsê lə́ tsɔʼə məfɛ̂nə páʼ a kə fɛ̂ nə́ á mbô pɛn nə́ ndɛd páʼ pɛn kə néŋ nə́ məntɨ́ mɛn nə́ Mmaʼmbî Yeso Klisto. Maŋ tíʼ ḿbə́ lə́ əwə á mə́ sóŋ nə́ ńgə́ kɔ Əsê á ghɛlə̂ anuə ajíə.” Ndzaŋə ándó pó nə ńdzóʼ nə́ atsáb zɨ lə́, ńkě nə́ anu yitsə̌ pɨ chî mbɔʼ pó sóŋ pô, pó tíʼ fɛ̂ nəgháʼə á mbô Əsê ə́sóŋ ńgə́: “Lə́ pə́ ńgə́ Əsê a kə́ fɛ̂ əseenə á mbô pətəjǐsê ńgə́ pó kwúblə məntɨ́ mɔ́b ńkə́ ńjî nchîntɨ páʼ zɨ́d mɛdnə̂ nə́ ngǎ mɔʼə́.”