Popular Bible Verses from Mika 4

Share

Iwe, chon ekewe mwü meinisin ra fel o aleasochis ngeni ar kewe kot, nge kich sipwe fel o aleasochis ngeni ewe Samol mi Lapalap ach we Kot tori feilfeilachök.

Iwe, chomong aramas seni ekewe mwü repwe feito o apasa, “Ousipwe feitä won chukun ewe Samol mi Lapalap ren imwen än Jakop we Kot. I epwe aiti ngenikich mine sipwe föri, pwe sipwe tongeni föri letipan. Pun ewe allük epwe towu seni Sion, nge än ewe Samol mi Lapalap kapas epwe towu seni Jerusalem.”

Iwe, lon ewe fansoun epwe feito, ewe chuk ia a nom ie imwen ewe Samol mi Lapalap epwe fefeitä o nükünük, epwe pwal tekia seni chuk meinisin, nge chon ekewe mwü won fanüfan repwe mwicheto ren.

Ewe Samol mi Lapalap epwe eäni apwüng lefilen chomong aramas o aükätiu fitikoko lefilen mwü mi pöchökül, ekewe mi arapoto me toau. Iwe, repwe amani nöür ketilas o awiliir ngeni pisekin tu pwül, nge wokur siles repwe awiliir ngeni näifen otot. Mwü kana resap chüen maunfengen, resap pwal chüen kaiö maun.