Popular Bible Verses from Lukas 6

Share

Oupwe fangafangöch ngeni aramas, pun Kot epwe fangafangöch ngenikemi. Ewer, oupwe angei eu aükük mi unusöch, mi itelong o chachelong o säsewu, epwe urourela me le pöümi. Pun ewe chök aükük oua aea le aükük ngeni aramas, Kot epwe pwal aea ngenikemi.”

Eman aramas mürina epwe chök atowu mettoch mi mürina seni letipan, nge eman aramasangau epwe chök atowu mettoch mi ngau. Pun eman aramas epwe chök apasawu met mi nom lon letipan.

Nge ämi oupwe echeni chon oputakemi o föföröch ngeniir. Oupwe mwütätä pisekimi ngeniir, nge ousap ekiekin angesefäli. Mürin oupwe angei liwinimi mi watte o wiliti Nöün Kot ewe mi Unusen Tekia. Pun Kot a kirikiröch ngeni chokewe resap sile kilisou, pwal ngeni ekewe aramasangau.

Oupwe eäni ümöümöch usun chök Sememi a eäni ümöümöch.

“Ousap apwüngü aramas, pwe Kot esap apwüngükemi. Ousap atipisi aramas, pwe Kot esap atipisikemi. Oupwe amusala än eman aramas tipis, pun Kot epwe pwal amusala ämi tipis.

“Nge üpwe ürenikemi ämi mi aüselingaei: Oupwe echeni chon pölüenikemi, oupwe föföröch ngeni chokewe mi oputakemi. Oupwe afeiöchü chokewe mi ottekikemi o iotek fän iten chokewe mi föföringau ngenikemi.

Oupwe föri ngeni aramas usun chök mine oua mochen repwe föri ngenikemi.

Are eman a pösapek, kopwe pwal akulu ngeni ewe epek. Are eman a angei üfom sekit, kopwe pwal mwüt ngeni üfom söch. Are eman a tüngorek och mettoch, kopwe chök ngeni, nge are eman a angei och pisekum, kosap aissefäl fan pöchökül.

“Efoch irä mi mürina esap uani ua mi ngau, nge efoch irä mi ngau esap uani ua mi mürina.

Pun irä meinisin ra sil ren uar. Kosap tongeni kini föün apel seni ewe irä lantana, kosap pwal kini föün kurukur seni ewe irä acharong.