Popular Bible Verses from Lukas 14

Share

“Iö a feito rei esap tongeni nei chon kaiö, are esap echeniei lap seni an echeni saman me inan, pwülüan me nöün kana, pwiin me fefinan kana, pwal mwo nge püsin manauan.

Iö esap mwärei püsin an iräpenges o tapweto müri, esap tongeni nei chon kaiö.

Pun eman aramas mi püsin atekiatä, epwe tekisonotiu, nge eman mi püsin atekisonatiu, epwe tekiatä.”

Ina chök usun, esap wor eman a tongeni nei chon kaiö are esap pölükü meinisin mine a eäni.

“Are eman leimi a ekieki an epwe aüetä eu imw tekia, epwe akomwen mottiu o kütta fite ükükün liwinin pisekin, pwe epwe silei are a naf nöün moni an epwe tongeni awesala ewe angang. Are esap föri iei usun, esap tongeni awesala ewe imw tekia mürin an föri longolongun. Iwe, aramas meinisin mi küna met a fis repwe popuetä le takiri ewe aramas o apasa, ‘Ei mwän a popuetä le aüetä eu imw tekia, nge esap tongeni awesala.’

Nge lupwen ka föri eu kametip, kopwe köri ekewe chon mwelele, ekewe chon ter, ekewe chon pechemä me ekewe chon chun. Iwe, ren ei kopwe feiöch, pun resap tongeni aliwini ngonuk mine ka föri ngeniir. Kot epwe liwini ngonuk lon ewe ränin manausefälin ekewe chon pwüng.”

“Salt a mürina. Nge are salt a nepatapatala, esap wor och mine sipwe anekenikensefäli ngeni. Esap wor lomotan ngeni ewe pwül ika ngeni an epwe koiasi, epwe chök koturula. Iö a wor selingan epwe rongorong.”