Popular Bible Verses from James 4

Share

Iei mine oupwe aleasochisi Kot. Oupwe ü ngeni Tefil, iwe, epwe sü senikemi.

Oupwe arap ngeni Kot, iwe, epwe arap ngenikemi. Oupwe limeti pöümi, ämi chon tipis kana, oupwe limeti lelukemi, ämi chon tipekinikin kana.

Oupwe püsin atekisonakemi mwen mesen ach Samol, iwe, i epwe atekiakemiitä.

Nge Kot a awattei ngenikich an ümöümöch. Iei mine a mak lon ekewe Toropwe mi Pin, “Kot a ü ngeni ekewe chon lamalamtekia, nge a ümöümöch ngeni ekewe chon tipetekison.”

Iei mine eman aramas mi silei mine a mürina, nge esap föri, a tipis.

Nge lupwen oua tüngor, ousap angei och, pun oua tüngor fän ämi ekiek mi ngau, pwe oupwe asolapa lon ämi mocheniangau.

Ämi aramas mi kirikiringau! Ousap silei pwe chiechi ngeni fanüfan wewen fiu ngeni Kot? Iö a mochen chiechi ngeni fanüfan, i ewe aramas mi fiu ngeni Kot.

Ämi ousap fen mwo nge silei met epwe fis ngeni manauemi lesor. Pun manauemi a usun chök eu ötüöt mi pwä lon ekis chök fansoun mochomoch, mürin esap chüen nom.