Popular Bible Verses from Ipru 13

Share

Oupwe afälikemi pwe ousap manaueni eu manauen mochenian moni, nge oupwe menemenöch ren mine oua eäni. Pun Kot a apasa, “Ngang üsap fokun likituk, üsap pwal tümwününgau ngonuk.”

Jesus Kraist usun ewe chök lom, ikenai tori feilfeilachök.

Iei mine sipwe tongeni apasa fän apilükülüköch, “Ewe Samol i ai Soualilis, üsap fokun niuokus, met aramas repwe tongeni föri ngeniei?”

Ousap manlükala ämi oupwe föri föför mi öch o alilisfengen lefilemi, pun ena sokun asor Kot a pwapwa ren.

Iei mine ousipwe mwareiti Kot fansoun meinisin pwe iei ach asor ngeni ren Jesus. Iei ewe asor sia eäni ren tinawach, lupwen sia pwärätä pwe Jesus ach Samol.

Aramas meinisin repwe aücheani pwüpwülü. Ekewe mi pwüpwülü resap kirikiringaufengen lefiler, pun Kot epwe apwüngü chokewe mi lisowu ngeni mi lipich, pwal chokewe mi lisowu ngeni mi pwüpwülü.

Oupwe chechemeni ämi oupwe etiwa chon ekis lon imwemi. Pun mi wor ekoch aramas mi föri iei usun, ra etiwa chon läng, nge resap silei.

Iwe, ewe Koten kinamwe mi amanauasefäli ach Samol Jesus seni mäla ren chaan ewe pwon mi nom tori feilfeilachök, i ewe Chon Masen sip mi fokun tekia, epwe atufichikemi ren mettoch meinisin mi mürina, pwe oupwe föri letipan. Epwe föri loch ren Jesus Kraist mine i epwe pwapwa ren. Kraist epwe ling tori feilfeilachök! Amen.