Popular Bible Verses from Matthew 5

Share

Tor semal le be hagsu sew habul sa yetolong fael sew tapiy, bo yebe far yetedah wol mala faesul liliyel habul, bo yebe wer ngalir panger rechokla re mel yilim. Be wol ila sengal teram la yami. Ye tugul le be wol werloh imor panger yarmat bo rebe wiri mekla ye momay le ha foforu, ngo re bele hapingpinga mala Tammi le ye mel woal laeng.

“Hasa wochog teram ngalir yarmetal faileng. Sew haplom le re hasudah mo woal sew tayit ila towe yoh le be mol.

Be momay lal deper rechoka ye taldag lal buler; bo rebe wiri Deus!

Be momay lal deper rechokla ye cchehas lal deper bo rebe foru mekla ye fel mo irel Deus; bo re bele mel le ye kel lal deper bo re gola le Deus ye mel irer!

Iwe ngo igla ila ibe kangalugmi bo: ha hachangir rechokla re tayikof ngalugmi ngo hasa mapelar rechokla rema hafohoyugmi bo rebe yolbuw

“Be momay lal deper rechokla re gola le ye tayikel yar tugul; bo mala Lamliyel Laeng ila sa mel bo yar!

Be momay lal deper rechoka re yengangel hopos; bo Deus be ffesangur bo lol!

Be momay lal deper rechokla sa tayikof lal deper igla; bo Deus bele hamomayu lal deper!

Be momay lal deper rechokla yarmat re kekafohoyur bo fal mala re foforu mekla ye fel mo irel Deus; bo mala Lamliyel Laeng ila sa mel bo yar!

Be momay lal deper rechoka ye ffaho deper ngalir yarmat; bo Deus yebe wol ffaho depal ngalir!

“Be momay lal dipmi irel yodla yarmat rebe hapatpat tayikof ngalugmi, ngo re hafohoyugmi, ngo re ffaor kaptami le ye tayikof bo fal mala hami choluway. Ha hamomayu lal dipmi bo mala paliyel hafohoy kala yami ila ye mel wol laeng le fal ngalugmi. Iye sengal wululul hafohoy le re faor ngalir profeta kowe muswe.

Be momay lal deper rechokla ye totol lal yar luluwal; bo be yoh ngalir molwe Deus sa faesul hatugulu!

“Hasa wochog hasiga ngalir pangal yarmat. Hare ye chuyloh mala tadel ngo towol yoh le sibe foru be taed. Towol yor pelal, si bele ppedaloh ngo yarmat re bele suru fedaley.

Habe mel chog le ha fel — le habe tappel chog mala Tammi woal laeng le ye fel.

Mala chog habe sor ila, ‘Ngo’ hare ‘Yeb’ — te tugul mele ha bela moch kapta mo wol miril ngo ye budoh mo irel Moniyan.

“Hasa rongrong we resa moal sor bo, ‘Paliyel sefeas metal yarmat ila wol sefaes metal yarmat, ngo paliyel seyay ngi ila wol seyay ngi.’ Ngo ligdi bo ibe kangalugmi igla le: ha towe palili tayikof la semal sa faor ngalugmi. Hare semal ye ppigiri tepam rela gilemera, ngo hosa wigdi ngali rela gilchegil bo yebe wol ppigiri.

Hare rel metam rela gilemera mele sa hasngalug molfid, ngo hosa haltu bo hobe ppedaloh. Bo ye momay tot le be chuy sugfed mo uwom mo imol mala rebe ppedug long lal Infiyerno. Hare sere mala poam mele sa hasngalug molfid, ngo hosa supiy hobe ppedalo. Ye momay tot le be torloh sere poam mo imol mala rebe ppedug long lal Infiyerno.