Popular Bible Verses from 1 Pédro 3

Share

Xui-ri, lic chi cojo u ʼij i Kajwal, chi ya che cu rajawij i cʼux. We ʼo jun cu tzʼonoj chiwe wuchac i cubam i cʼux che i Kajwal, chix ʼolok ix yij chu bixquil wach usucʼ, xui-ri, chi bij usucʼ che, ruʼ rutzil i cʼux, mi ʼan nim che iwib. Mi ʼan i n-ʼus taj, man queje ile, i cʼux ʼutz cu naʼo we n-ti mac i ʼanom. We ʼo jun cu nucʼ tzij chiwij xa rumal ix re i Crísto, che ire i qʼuixbal. Cu ya u qʼuix utuquel, man yix ʼutz i qui ʼano.

Man i Kajwal que u chajij i je aj ʼanol ʼutz, lic cu ta wach quiqui tzʼonoj che, xui-ri, tzel que rilo niʼpa i n-ʼus ta quiqui ʼano. (Queje ile tzʼibtal chupam u wuj i Dios.)

Are qui wik iwib are chi wika i pi cʼux, n-xui ta qui wik iwij. Mix cʼachir chu yijbaxic i wi we chom qui ʼan che, xak mix cʼachir che i ʼuʼ chi chom, xak mix cʼachir che i arit, tak i uwaj chom, pakal rajil. Are, chi bisoj u ʼanic ix chom pi cʼux, man i chomal-le n-ca sach taj. Chix ʼol che u nimal i cʼux; xak chix quicot piwanima. Are ile chi chom cril i Dios.

Ketaʼam ile, man cu bij u wuj i Dios: We jun craj u cʼaslemal chom, we craj lic ca quicotic, chu ʼatij utzamraʼ; mu bij tak itzel tzij; chu ʼatij u chiʼ; mu ʼan tak i tʼoronic. Mu min rib chu ʼonquil i n-ʼus taj, xa are chu ʼana i ʼutz. Chu tzucuj i módo chi chom ʼol cuʼ conojel; lic chu ya rib chu ʼonquil.

Pa qʼuisbal-re ʼut, quin bij chiwe iwonojel: chi ʼana xak jun i nojbal chiwach; we ʼo jun chiwe ca bisonic, xak chi ya i wach ruʼ, wach tak u bis; cʼax chi na iwib chiwach man yix iwatz i chaʼ iwib. ʼUtz rilic i wach chi ʼana chiwach; mi ʼan nim che iwib. We ʼo jun ʼo u mac chiwe, mi tzalij u wach che. We xak ʼo quix u yoʼya, mi laʼ u wach che. Mi tzalij u wach che, are i chi ʼana, chi tzʼonoj che i Dios chi cu ya i ʼutz puwi. We ix ʼutz chique conojel, i Dios cu ya ʼuri i ʼutz piwi yix; rumal ile xix u siqʼuij ruʼ.

¿Xataba ʼo jun cu ʼan i mal chiwe, we yix lic qui ya i cʼux chu ʼonquil i ʼutz? N-taj.

Mu min rib chu ʼonquil i n-ʼus taj, xa are chu ʼana i ʼutz. Chu tzucuj i módo chi chom ʼol cuʼ conojel; lic chu ya rib chu ʼonquil.

We qui tij i cʼax xa rumal u ʼonquil i ʼutz, we queje ile craj i Dios chiwe, ʼutz ʼuri. ʼUtz na ile chuwach u tijawic i cʼax we xa rumal jun mal qui ʼano.