Popular Bible Verses from Lik 8

Share

Busini daare pa ma suube kiɗa ta samaane saabayye aleŋ giimi ma geewaa beneyti Mellayi o gu oyaa ma galbane ta purta o ta gidaani. Guu dommoyɗiya galbigeeco namma ga weeɗiyo miici ku samaane, guu deeɗo baatiynigee.»

Busini ma suube were ma lekka tetteesigee ma lekka ejjemmi pa, saabayye aleŋ giimi ma geewaa beneyti Mellayi, guu moyoowi ku lawwi ku dunuuniti o ayaawi ka dunuuniti o ƴekko ta daanuwe ka dunuuniti pa bittiyyooca amannico taata, ay ɗakko appe ga beneyyi kaaka alɗiyo waa ɗa miici ma neewe.

Busini ma suube were ma lekka termel, o kiɗaati percem percem kaa pa, saabayye aleŋ giimi ma geewaa beneyti Mellayi guu oyyiya saa ma parhane, innasoopa ga beneyyi kaaka nowotta ɗa galbigeeco. Guta bakammaa wikinne paalta ka. Guu gasse gaari ku suura ma cokokkay pa, gu otokkati oko amannico daana ka.

Gaa Iisa beneyyiyyoo pe pa oko jobookeetee gaa: «Amannitoŋ ay ŋa pe?» Guta pa ga ɓayaw galawwiyoo o gu ajjabbe ta tirta. Guu beneyɗo aacco goo: «Gimu keeke ay me gimta? Elloŋ ƴa, ussu o ammi kulla ga makakkayo guu gewɗiya kanti!»

Busini ma suube biiti butuuli pa, saabayye aleŋ giimi ma geewaa beneyti Mellayi, gaa Seetanne asiɗo ga asiyyooga cimma maaƴi min galbigeeco ku maa ga toɗɗiyyo gu alɗo amanna ɗa, guu alɗo dee ɗa najjiyenta.

A guta pa, gaari paracco ku kiilenta haŋka akka dee dirn̰enta, gu giimi asiɗiy ella racal. A maa gu giimi ƴapawwikkikoo pa akka dee ibinenta.

Maa gi daate gita pa leeɗe kabarre kadar ga Iisa ibine kadar gi eesiya, gii kaatiɗe gi deeɗe gala unti Iisa o gi azarra ta cim cim. Gii jeppiyyooga kantí unco giimi paracco baŋ ga ayme gi eesiyya kaɗiyyiti Iisa o baŋ gi rayyide gee me ma haŋka keeke aɗe min ello ta baaro. Gaa Iisa beneyyiti gaa: «Runtú, mileŋ ka dowwica galbante oko naa, ka rayyide. Addo ma aapiya.»

Guu jobookeetee asiɗe saripti, guu miiniyya o gu kawwakka goo: «Tattuwtini, tattuwtini, ke matakka pe.» Gaa Iisa miiniɗe ga makkiyyee oko ussi o oko lokkomco ammo, guu warriɗe, gaa were ƴaapiɗe yil.