Popular Bible Verses from Lik 17

Share

Gaa Iisa beneyyiyyee oko maaƴu kaaka gaa: «Mileŋ ki dowwica galbancum oko naa, ki rayyide. Wacu, addo!»

Gaa meenti ka ga niŋgiyam kulla paysaratiŋ, gaa kulla niŋgiti aɗe ga asawɗam ga beneyɗam gaa ga meeliy gaartee ku miɗɗa maa ga leewam gaa saamayɗam, ga kiita pa kulla saamayyee.»

Gaa maa gu elliɗe kadar gu rayyide pa, ga kaƴi min aacco yooke wikirti Iisa o ga logokka Mella ma raɗɗa. Gaa asiɗe darsa unti Iisa ga weeciyya unti kiɗaati, gaa leeɗiyee barkinti. Gimu kaaka pa ay min kiɗa ta Samaari.

Pakarratini oko nuntitoŋ. «Gaa giicum niŋgiyam ki yookiya min oko miɗɗati taata. Gaa meeliy gaartee kotti pa gaa saamiyiyyam, ki saamiyee.

Gaa Iisa pa beneyyiɗe pe gaa: «Majaddimnigee kooko orracco ɗa aɗe rayyide gu deeɗe samaane unti Mellayi e? A ku parnakaƴi pa ay ŋa?

Gaa gata pa tiiliyyoo gaa: «Gii amannitoŋ rommata aleŋ ronti gandirati ka kulla, ku gederra ku beneyyiyyee oko ettu ka taatta keeke kuu: “Bitu maaƴi min iŋee, kii deeɗo ata baharriti.” Kuu beneyye goŋŋa, ga betekka ga deeɗo ata baharriti.»

Gimu ma deyekka najjiytí hayaatanti mesellaca, a ma mesellaca soopa najjayyaca.

Gaa Iisa beneyyiyyoo oko jobookeetee gaa: «Akka lekekka aɗe goŋŋa diiman gaari ma esekkay giimi zunubgeyyo. A gimu ma ay milco gaari kotti ma esekkay giimi zunubgeyyo soopa, ay gata maa gi diigane ocokkaa. Gimu aleŋ kaaka gi samaanee ƴiila gu onniyyee ur̰uuti itira yaata, guu uwwiyya baharriti ga deesiɗo, min maa gi parlanti Mellayi baagiyya oko gaartee maa ga issiyya zunubgeyyo gimu kaƴi min oko giimi ma ay aleŋ miici ku rootta kooko ma dowwiy galbigeeco oko naa.

Meene ta asawti oko Runti Gimi kulla akka dee saa aasenta aleŋ gaari ma deero wikinniti Nowe. Oko wikinniti Nowe kaaka gu giimi teewa o gu ar̰aa o gu sokokka daati o gu beray ronco gu sokoɗɗiy namma ya meene maa ga Nowe un̰n̰iɗe markaba ta yaata. Guu ammi ku suura beeriɗe, guu teeɗiy giimi paracco.