Popular Bible Verses from Maariko 12

Share

Yëësu akamohonshora igha, “Umughiro omonene nkoghamba ghörë igha, ‘Mwitegherre bharë Abhaisiraëri! Omonene Waryobha uwëëtö, we Omonene umwene igho. Ohanshe Omonene Waryobha uwaaho, kwa enkoro iyaaho yonswe igho, ko amaitegherro aghaaho ghonswe igho, ko sehakëri isyaho syonswe igho, na singuru isyaho syonswe igho.’ Na umughiro ughwa kabhërë ni-igha, ‘Ohanshe murikyaho, kya bhono wihanshirë uwe umwene.’ Teghooho umughiro omonene okokera ghiyö hë.”

Hano Yëësu yaarööshë ghayö, akabherekera abheegha abhaaye, akabhatëëbhya igha, “No-bhoheene nkobhatëëbhya igha, umusinö ömötöbhu ono, aruusiri ekerengere ekenene okokera abhandë bhayö bhonswe igho. Nengambirë igho, ko bhoora abhandë bhayö bhonswe igho, ni-kitweno ikya omoharrökyö ughwa ëbhëntö bheno bhaanabhyo ngwo bharuusiri. Kasi umusinö ömötöbhu ono, naruusiri bhyonswe igho bheno aanabhyo.”

Yëësu akaikara mu-risengerro irya Waryobha, haangʼë na ëkëntö ikya okotoora-mo esadaaka. Yaamaherranga bhono abhantö abhaaru bhaatooranga sesadaaka mö-këntö kiyö. Abhaamë abhaaru bhaaruusyanga seehera sinsharu. Mbe, akaasha-ho umusinö ömötöbhu, akaruusya amatöngörö amake, abhërë igho, akatoora-mo.

Ghwiki, nemanyirë igha, ni-igha ömöntö ahanshe Waryobha kwa enkoro iyaaye yonswe igho, ko sehakëri isyaye syonswe igho na singuru isyaye syonswe igho, na ahanshe murikyaye kya bhono aihanshirë umwene. Iyö yo engʼana indito bhököngʼu, okokera ibhimwenso ibhisikibhwa bheena ibhimwenso ibhyëndë bhyonswe igho.”

Yëësu akabhatëëbhya igha, “Ibhya Kaisaari, mohaanenga Kaisaari umwene, na ibhya Waryobha, mohaanenga Waryobha.” Bhonswe igho bhakaroghoora bhököngʼu.