Popular Bible Verses from Mataayo 6

Share

Kasi bhëënyu keno nkobhatëëbhya ni-igha, mwighombenga bhököngʼu, Waryobha abhe Omokama uwëënyu na mobhe abhantö abha heene kya bhono akutuna. Mbe, hayö ho moraahaanwe na ibhyëndë bhyonswe igho bheno mukutuna.

Motakaahaha ko okoghera iya isho, ko bhoora igha, isho ni-yeene irinyankera.”

Ku bhuyö Yëësu akabhatëëbhya igha, “Motakaahaha na ukwibhöörya igha, ‘Hai toraanyoore ibhyakorya na amanshë, handë igha nkë toraatoorenga?’ Kana mwëbhirë igha, öbhöhöru ubhwënyu mbökërrë ibhyakorya, na ömöbhërë ngökërrë singibho?”

Kasi hano uwe wasaasaama, ni-igha osohe mu-kinyumba ikyaho, usiike-ho ekesaku. Saasaama ku-Waryobha Taata uwëëtö, ono atakomaahekana. Ho bhoono Taata uwëëtö uyö akomaaha imbumbure iya ömöntö, araakutuhe.”

Yëësu akabhatëëbhya igha, “Mwighwe kya bhono moraasaasaamenga, ‘Taata uwëëtö uwa mu-ryobha, iriina iryaho rëhörëëribhwi. Obhokama ubhwaho bhuushe. Righonshe iryaho rehekerane, ko-kebhara kono, kya igho ërë mu-ryobha iyö.

Tohaane ibhyakorya ibhyëtö, ibhya urusikö urwa reero.

Utwabhere obhosarya ubhwëtö, kya bhono bhëëtö tukwabhera bhano bhakotosarrya.

Otakaatohatërrya mo-mashaashyo. Kasi ötötöörri, ko-mashaashyo agha Omoghogho oora, [ko bhoora obhokama, obhotoro na ubhuhika ni-bhyaho amakora ghonswe igho! Amina.]’”

Yëësu akaghëndërrya okoghamba igha, “Hano moraabhere abhantö bhano bhakobhasarrya, ho kora na Suwëënyu uwa mu-ryobha, araabhaabhere hano moraamosarri.

Momaahere ku-bhinyönyi. Tibhikwëmya handë okoghesa hë, tebheena eketara hë. Kasi Waryobha Taata uwëëtö uwa mu-ryobha, nkobhehaana arë ibhyakorya. Na bhëënyu mmoona ubhwera ku-Waryobha okokera ibhinyönyi.

Ghwiki Yëësu akëëghya igha, “Otakaibheekera ëbhëntö ibhya ubhwera ko-kebhara kono. Amakonde na ikutu mberaasari ëbhëntö bheno ukwibheekera ko-kebhara kono. Nkaagha isyëndë abhaibhi bharatora okotaabhora inyumba, bhaibhe kiyö öbhëëkirë. Kasi ibheekera ëbhëntö ibhyaho ibhya ubhwera mu-ryobha, ahasë hano amakonde na ikutu bhetaasari, handë umwibhi ukwibha. Ahasë hano emongo iyaaho ërë, ho ubhweseghe ubhwa enkoro iyaaho bhörë.”

Yëësu akaghëndërrya okoghamba igha, “Taaho ömöntö ono akotora okokorra emeremo abhanene bhabhërë ko-nkaagha ëmwë. Hano araakore igho, naraareghe ömwë, ahanshe uwöndë. Handë aghootane na ömwë, asere uwöndë. Ighoigho na kö-bhëënyu bhonswe, timwikarre ubhutuni ubhwa ëbhëntö, na eno moratuna okokorra Waryobha emeremo.”

Mbe, oraanyoore igha ni-igho Waryobha akwibhöhya amanyanki agha kö-möghöndö, ghano igha reero ho gharë, kasi isho ngaretabhutwa mo-morro, bhoono tabhaibhöhi bhököngʼu bhëënyu bhanyamukumo omoke?

Kasi hano ohaayë ömötöbhu ëkëntö, okobhoko ukwaho ukwa bhömösi, kotakaamanya keno këkörrwë na okobhoko ukwaho ukwa bhoryo, engʼana iyö, otakaagherekera kebhara. Hayö ho Taata uwëëtö uwa mu-ryobha ono akomaaha imbumbure iya ömöntö, araakutuhe.”

Yëësu akaghëndërrya ukwëghya abheegha abhaaye igha, “Mwiyangarre, motakaakora amangʼana aghëënyu, okore momaahwe na ukukumibhwa na abhantö. Ko bhoora hano moraakore igho, Taata uwëëtö uwa mu-ryobha tabhatuhe hë.

Yëësu akabhatëëbhya igha, “Hano mwaisasa ibhyakorya, motakaabhaabhayera kya abhaiköri. Nkokora bharë ubhusyö ubhwabho bhobha bhöndë bhöndë igho, kya ömöntö ono abhaabhayëëyë bhököngʼu. Nkokora bharë igho, okore abhantö bhabhakumi ko okobhamaaha igha, bhaisasirë ibhyakorya. No-bhoheene nkobhatëëbhya igha, bhaamara ukutuhwa na abhantö, ku bhuyö Waryobha tabhatuhe ëkëntö hë. Kasi hano waisasa ibhyakorya, wisaabhe ubhusyö, ohake amaghuta ko-motwe, okore abhantö bhatakaamanya igha, wisasirë ibhyakorya. Hayö bhoono, ho Taata uwëëtö uwa mu-ryobha, ono atakomaahwa araakutuhe.”