Popular Bible Verses from Mat 7

Share

Mushabe, muryaheebwa; musherure muryazoora; mwiguze, muryaigurirwa.

Manya weena oshaba aheebwa, n'osherura azoora, n'oiguza aigurirwa.

N'ahabw'ekyo, weena ohurira ebigambo byangye akabikuratira, aryaba nk'omunyabwengye owaayombekire enju ye aha rukiri

Reero nu, byona ebi mwakwenzire abantu babagirire, naimwe mube nikwo mwabagirira; ahabw'okuba ekyo nikyo eiteeka n'abarangi bimanyisa.

kwonka abatoora omuhanda ogurikuza omu magara baraba omu irembo erifunzire, kandi ogwo muhanda gugumire, n'abaguzoora baba bakye.

Mutaahire omu irembo erifunzire; ahabw'okuba abatoora omuhanda ogurikuza omu kucwekyerera baraba omu irembo erigarami, kandi ogwo muhanda gwanguhi, n'abagutoora baba baingi

Mbwenu imwe ababi, ku muraabe nimumanya kuha abaana baanyu ebirungi, Shoimwe ow'omu iguru k'arikizaho kuha ebirungi abarikumushaba!

Mutaricwa orubanja, naimwe mutakaarucwerwa. Manya nk'oku mucwera abandi orubanja, naimwe nikwo murirucwerwa; kandi endengo ei murengyeramu abandi, naimwe niyo murirengyerwamu.

Kandi weena ohurira ebigambo byangye ebi, atabikuratire, aryaba nk'omushema owaayombekire enju ye aha musheenyi

Ahabw'enki nooreeba akatokoozi akari omu riisho rya mwene sho, haza kunu otarikureeba mpimbi eri omu ryawe? Nari shi noobaasa ota kugira mwene sho oti: Ka nkwihe akatokoozi omu riisho, haza kunu empimbi eri omu ryawe?

Mwerinde abarangi b'ebishuba ababaizira nibashusha entaama, kwonka omunda bari emishega erikushonshomera. Muryabamanyira aha mitwarize yaabo. Ebyo, emizaabibu ekaashoromwa aha matojo, nari emitiini aha bushebashebe?

Manya omuti gwona omurungi gwana ebijuma birungi, kwonka omuti omubi gwana ebijuma bibi.

Omuti murungi tigubaasa kwana bijuma bibi, n'omuti mubi tigubaasa kwana bijuma birungi.

Omuti gwona ogutaana bijuma birungi gutemwa, gunagwa omu muriro.