Popular Bible Verses from Luk 4

Share

Mutima wa Nyakubaho ari ahariinye, ahabw'okuba akampaasirira nansiiga amajuta. Yantuma kugambira abooro amakuru marungi, okurangira enkwatwa okurekurwa, n'empumi okuhumuurwa, n'okuseetura abasiitagwirwe, n'okuranga omwaka ogu Nyakubaho arigiriramu embabazi.

Kwonka Yesu yaamugarukamu ati: Kikahandiikwa ngu: Ogume oramye Mukama Ruhanga waawe, kandi we wenka obe niwe waaheereza.

Yesu yaamugarukamu ati: Kikahandiikwa ngu: Omuntu tatungwa byokurya byonka.

Yesu akaruga Yorudaani, aijwire Mutima Orikwera owaamutwaire omu ihamba

Kwonka Yesu yaamugarukamu ati: Kikagambwa ngu: Otaryosya Mukama Ruhanga waawe.

Sitaane ku yaamazireyo ebyo byosyo byona, yaamurugaho, kugaruka obundi bunaku.

Mpaho Sitaane amutwara ahatunguukire munonga; omu kaanya kakye amworeka obugabe bwona obw'omu nsi, amugira ati: Niinyija kukuha ekitiinwa kyabwo n'obushoboorozi bw'okubutegyeka, ahabw'okuba nkabuheebwa kandi mbuha ou ndikwenda. Mbwenu ku orandamye, byona nibiija kuba ebyawe. Kwonka Yesu yaamugarukamu ati: Kikahandiikwa ngu: Ogume oramye Mukama Ruhanga waawe, kandi we wenka obe niwe waaheereza.

Bwanyima yaamutwara Yerusalemu, yaamwemereza aha itungu rya Nyaruju, yaamugira ati: Ku oraabe ori Omwana wa Ruhanga, yerekyere oyenagye ahansi, ahabw'okuba kikahandiikwa ngu: Aryakukwatsa baamaraika be bakurinde. Kandi ngu: Baryakutega emikono, ngu orekye kuhonda ekigyere kyawe aha ibaare. Kwonka Yesu yaamugarukamu ati: Kikagambwa ngu: Otaryosya Mukama Ruhanga waawe.