Popular Bible Verses from Luk 17

Share

Atyo yaagambira ogwo mushaija ati: Imuka, oyegyendere, okwikiriza kwawe nikwo kwakukiza.

Kandi ku araakushaagize emirundi mushanju omu izooba rimwe, kwonka yaakwijaho emirundi mushanju naagira ati: Naayeteisa, naiwe omusaasire.

Omwe omuribo ku yaareebire yaakira, yaagarukayo naasingiza Ruhanga n'eiraka rihango. Yaajuumara aha bigyere bya Yesu, yaamusiima. Ogwo muntu akaba ari Omunyasamariya.

Naimwe mwerinde! Mwene waanyu ku araashiishe, omuhane. Ku araayeteise eki akozire, omusaasire.

Ekyo kyareetera Yesu kubuuza ati: Boona eikumi tibaashemezibwa? Omwenda gurahi?

Nawe yaabagarukamu ati: Kuri mwine okwikiriza kurikwingana nangwa n'akajuma k'embibo ya karidaari, mukaaragiire omukunyu ogu, muti: Higuka, obyarwe omu nyanja, haza gubakundira.

Weena orikwenda kukiza amagara ge, aryagabuza. Kandi weena orikugabuza, aryagakiza.

Yesu akagambira abatendekwa be ati: Ebirikuteeza entsibo tibiribura kubaho, kwonka obireeta aryakareeba! Haakiri akomwe orubengo omu maraka anagwe omu nyanja, okukira okuhabisa omwe ahari aba abato.

Nk'oku kyabaire omu biro bya Noa, nikwo kiriba n'omu biro by'Omwana w'omuntu. Abantu bakaba nibarya, nibanywa, nibashwerana, okuhitsya obu Noa yaagiire omu bwato, omwegyemure gukaija, gukabacwekyereza boona.