Popular Bible Verses from Luk 14

Share

Omuntu weena oija ahi ndi, atangire ishe na nyina, omukazi we n'abaana, beene ishe na banyaanya, nangwa n'amagara ge, tabaasa kuba mutendekwa wangye.

Weena oteekorera musharaba gwe akankuratira, tabaasa kuba mutendekwa wangye.

Manya weena oyetunguura aryabundikwa, kandi oyebundika aryatunguurwa.

Naimwe nikwo kiri kityo. Tihariho n'omwe orikubaasa kuba omutendekwa wangye, atatsigireho byona ebi atungire.

N'oha omuriimwe owaakwenda kwombeka omunaara, atabanze kushutama akabariirira yaaba aine ebirikuguheza? Ku yaakuba atagizire atyo, yaayombeka omusingi, bwanyima yaashanga atarikubaasa kuheza ogwo murimo, abareebi bakaatandika kumushekyerera, bati: Eki kishaija kikatandika kwombeka, kyaremwa kuheza.

Kwonka iwe, ku oriteeka obugyenyi, obweteho abooro, ebimuga, ebirema n'empumi. Haza obwo nibwo oriheebwa omugisha, ahabw'okuba nobu baraabe batarikubaasa kukuzimuurira, enzimuurano yaawe oryagitunga abahikiriire boona baazooka.

Manya omwonyo guba murungi, beitu omwonyo ku gwakuhwamu ensha, ekaagarurwamu eta? Guba gutakigasira itaka, nari ekirundo ky'orwezo. Abantu bagunaga. Weena oine amatu garikuhurira, ahurire!